வீடுகளுக்கான தள்ளுபடி கொள்கையை அனைவருக்கும் விரிவுபடுத்த வேண்டும்: பினாங்கு முதல்வர் உத்தரவிட்டுள்ளார்

ஜார்ஜ்டவுன்:

வீடுகளுக்கான தள்ளுபடி கொள்கையை அனைத்து மக்களுக்கும் விரிவுபடுத்த வேண்டும்.

பினாங்கு மாநில முதல்வர் சாவ் கோன் இயோவ் இந்த உத்தரவை பிறப்பித்தார்.

சமீபத்தில் அறிவிக்கப்பட்ட சொத்து தள்ளுபடி முயற்சியின் நோக்கத்தை விரிவுபடுத்த மாநில வீட்டுவசதி,  சுற்றுச்சூழல் நிர்வாக பிரிவுக்கு நான் உத்தரவிட்டுள்ளேன்.

பொதுமக்கள் உட்பட அனைத்து தரப்பினரின் கோரிக்கைகளை அடிப்படையாக கொண்டு இம் முடிவு எடுக்கப்பட்டது.

இந்த அறிவிப்பு குறித்து மாநில அரசு பல்வேறு கருத்துக்களைப் பெற்றுள்ளதை ஒப்புக்கொண்ட சாவ்,

சமூக நீதியின் கொள்கைகளுக்கு ஏற்ப சமூகத்தின் அனைத்துப் பிரிவுகளுக்கும் பயனளிக்கும் வகையில் கொள்கையை மேம்படுத்த வேண்டும் என்று கூறினார்.

வீட்டுவசதி, சுற்றுச்சூழல் ஆட்சிக் குழு உறுப்பினர் எஸ். சுந்தரராஜூ, மேம்பாட்டாளர்களுடன் சேர்ந்து, அனைத்து வாங்குபவர்களுக்கும் தள்ளுபடியை விரிவுபடுத்துமாறு நான் அறிவுறுத்தியுள்ளேன்,

இதனால் அது சமூக நீதியின் கொள்கைகளுக்கு ஏற்ப சமூகத்தின் அனைத்துப் பிரிவுகளுக்கும் பயனளிக்கும் என்று அவர் கூறினார்.

- பார்த்திபன் நாகராஜன்