46ஆவது ஆசியான் உச்சிநிலை மாநாடு; வட்டார ஒத்துழைப்பை வலுப்படுத்த ஒரு தளமாகும்: பிரதமர் இலாகா

கோலாலம்பூர்:

46ஆவது ஆசியான் உச்சிநிலை மாநாடு ஆசிய வட்டார ஒத்துழைப்பை வலுப்படுத்த ஒரு தளமாக அமைகிறது.

பிரதமரின் மூத்த பத்திரிகைச் செயலாளர் துங்கு நஷ்ருல் அபைதா இதனை கூறினார்.

இன்று தொடங்கி இரண்டு நாட்கள் நடக்கும் 46ஆவது ஆசியான் உச்சி மாநாடு, அரசியல்-பாதுகாப்பு, பொருளாதாரம், சமூக, கலாச்சாரம் ஆகிய மூன்று முக்கிய தூண்களில் பிராந்தியத்தின் முன்னேற்றத்தை ஆராய்வதற்கான முக்கிய தளமாக ஆசியான் தலைவர்களுக்கானது.

தென் சீனக் கடல் பிரச்சினை, காசா,  மியான்மாரில் மனிதாபிமான நெருக்கடி, பெரிய சக்திகளின் ஒருதலைப்பட்ச வர்த்தக வரிகள், டிஜிட்டல் பொருளாதாரம், விநியோகச் சங்கிலிகளில் உள்ள சவால்கள் உள்ளிட்ட பெருகிய முறையில் சிக்கலான மாவட்ட, உலகளாவிய பிரச்சினைகளை விவாதிப்பதற்கான ஒரு முக்கிய களமாகவும் இந்த உச்சிமாநாடு அமைந்தது.

இந்த ஆண்டு ஆசியான் தலைமைத்துவத்தில், வலுவான, அனைவரையும் உள்ளடக்கிய, மீள்தன்மை கொண்ட ஆசியான் சமூகத்தின் திசையை வடிவமைப்பதில் மலேசியா ஒரு முக்கிய பொறுப்பைக் கொண்டுள்ளது என்பதை பிரதமர் டத்தோஸ்ரீ அன்வார் இப்ராஹிம் அடிக்கடி வலியுறுத்தி வருகிறார்.

ஆசியான் 2045 இன் நீண்டகால தொலைநோக்குப் பார்வைக்கு ஏற்ப, ஆசியான் பொருத்தமானதாகவும், பதிலளிக்கக்கூடியதாகவும், மக்களை மையமாகக் கொண்டதாகவும் இருப்பதை உறுதி செய்வதே மலேசியாவின் முக்கிய கவனம் செலுத்தும் என்று அவர் கூறினார்.

- பார்த்திபன் நாகராஜன்