வரி விதிப்பு விவகாரம்; முடிவு இப்போது சீனாவின் கைகளில் உள்ளது: டிரம்ப்

வாஷிங்டன்:

வர்த்தக வரி விவகாரத்தில் அமெரிக்கா  மீண்டும் பேச்சுவார்த்தைகளைத் தொடங்காது. இது சீனாவின் பொறுப்பாகும் என அமெரிக்க அதிபர் டொனால்ட் டிரம்ப் கூறினார்.

போயிங் விமான நிறுவனத்துடனான ஒரு பெரிய ஆர்டர் ஒப்பந்தத்தில் அந்நாடு வாக்குறுதிகளை மீறியதாகக் குற்றம் சாட்டிய பின்னர் அவர் இவ்வாறு கூறினார்.

ஒரு மாநாட்டில் டிரம்பின் அறிக்கையைப் படித்த அவரது பத்திரிகை செயலாளர் கரோலின் லீவிட்,

சீனா அமெரிக்காவுடன் ஒரு ஒப்பந்தம் செய்ய வேண்டும், மாறாக வேறு வழியில் அல்ல. சீனா மற்ற எந்த நாட்டையும் போலவே இருக்கிறது. பெரியது தான்.

போயிங் உடனான ஒப்பந்தத்தை சீனா மீறியதாக புளூம்பெர்க் அறிக்கை வெளிப்படுத்தியதைக் குறிப்பிடுகிறார்.

சீன அரசாங்கம் போயிங்கிலிருந்து புதிய விமானங்களைப் பெறுவதை நிறுத்தவும், அமெரிக்க நிறுவனங்களிடமிருந்து உதிரி பாகங்கள் வாங்குவதை நிறுத்தவும் நாட்டில் உள்ள விமான நிறுவனங்களுக்கு உத்தரவிட்டுள்ளது.

அவர்கள் போயிங் உடனான ஒரு பெரிய ஒப்பந்தத்தை ரத்து செய்துவிட்டார்கள்.

இப்போது அவர்கள் வாங்குவதாக உறுதியளித்த விமானங்களைப் பெறமாட்டார்கள் என்று அறிவிக்கிறார்கள் என்று அவர் கூறினார்.

- பார்த்திபன் நாகராஜன்