அமெரிக்காவின் விசாரணை ‘அரசியல் தந்திரமா?’: சீனா குற்றச்சாட்டு

பைஜீங்: 

அமெரிக்க பல நாடுகளுக்கு எதிராக அறிவித்துள்ள புதிய வர்த்தக விசாரணையை சீனா கடுமையாகக் கண்டித்துள்ளது. இதனை “அரசியல் தந்திரம்” என சீனா குற்றம்சாட்டியுள்ளது.

அமெரிக்க அதிபர் டொனால்ட் டிரம்ப் அதற்கு முந்தைய நாளில் உற்பத்தி திறன் அதிகரிப்பு தொடர்பாகவும்,  கட்டாய தொழிலாளரைப் பயன்படுத்தி தயாரிக்கப்பட்ட பொருட்களின் இறக்குமதி தொடர்பாகவும்  இரண்டு தனித்தனி விசாரணைகளை அறிவித்தார்.

இந்த விசாரணையில் சீனா, ஐரோப்பிய ஒன்றியம், ஜப்பான், இந்தியா, சிங்கப்பூர், ஸ்விட்சர்லாந்து, தென் கொரியா, வியட்நாம், தைவான், மெக்சிகோ ஆகியவை இலக்காக வைக்கப்பட்டுள்ள நாடுகளாக உள்ளன.

இந்த நடவடிக்கை, அமெரிக்க உயர் நீதிமன்றம் டிரம்ப் விதித்த உலகளாவிய வரிகளைச் சில வாரங்களுக்கு முன்பு ரத்து செய்ததைத் தொடர்ந்து வருகிறது. பொருளாதார அவசர அதிகாரத்தை பயன்படுத்தி கிட்டத்தட்ட அனைத்து நாடுகளுக்கும் வரி விதித்தது மூலம் அவர் நிர்வாக அதிகாரத்தை மீறியதாக நீதிமன்றம் தெரிவித்தது.

 “என்றோ கூறப்படும் உற்பத்தி அதிகரிப்பு பிரச்சினை என்பது பொய்யான கருத்தாகும்” என்றும், “அதை அரசியல் தந்திரத்திற்கான காரணமாக பயன்படுத்துவதற்கு சீனா எதிர்ப்பு தெரிவிக்கிறது. வரி போரும் வர்த்தக போரும் எந்த தரப்புக்கும் நன்மை தராது” என்றும் சீன வெளியுறவு அமைச்சக பேச்சாளர் குவோ ஜியாக்கூன் தெரிவித்தார்.

இந்த விசாரணை பல உற்பத்தித் துறைகளில் கட்டமைப்பு ரீதியாக அதிக உற்பத்தி திறன் இருப்பதற்கான ஆதாரம் காணப்படும் பொருளாதாரங்களை மையமாகக் கொண்டு நடைபெறும் என்று அமெரிக்க வர்த்தக பிரதிநிதி ஜேமிசன் கிரீர் தெரிவித்தார்.

அவர் எதிர்காலத்தில் விதிக்கப்படும் தண்டனைகள் நாடுகளுக்கு ஏற்ப மாறுபடும் என்பதைக் குறித்து தெளிவாக விளக்கவில்லை. கட்டாய தொழிலாளர் தொடர்பான இரண்டாவது விசாரணை சுமார் 60 வர்த்தக கூட்டாளிகளை உள்ளடக்கியதாக தொடங்கப்படும் என எதிர்பார்க்கப்படுகிறது.

இதற்கிடையில், டிரம்ப் இறக்குமதி பொருட்களுக்கு 10 சதவீத புதிய வரியை விதித்துள்ளார். இந்த வரி ஜூலை 24 வரை அமலில் இருக்கும் நிலையில், தனது வர்த்தகத் திட்டத்தை மீண்டும் செயல்படுத்த நிரந்தரமான நடவடிக்கைகளை அதிகாரிகள் தயாரித்து வருகின்றனர்.

-சங்கீர்த்தனா