மாமன்னரின் கூடுதல் உத்தரவு குறித்து உண்மை நிலையை அறிய மக்களுக்கு உரிமை உள்ளது: ஹம்சா

கோலாலம்பூர்:

முன்னாள் பிரதமர் டத்தோஶ்ரீ நஜிப்பின் வீட்டுக் காவல் தொடர்பான மாமன்னரின் கூடுதல் உத்தரவு குறித்து உண்மை நிலையை அறிய மக்களுக்கு உரிமை உள்ளது.

எதிர்க்கட்சித் தலைவர் டத்தோஶ்ரீ ஹம்சா ஜைனுடின் இதனை கூறினார்.

மக்களின் இந்த உரிமையை எந்தவொரு கட்சியாலும் தடுக்க முடியாது.

பொது நலன் சார்ந்த ஒரு கூடுதல் உத்தரவு இருப்பதைப் பற்றிய உண்மையை அறிய இன்று மக்களுக்கு உரிமை உள்ளது.

அதே வேளையில் மாட்சிமை தங்கிய மாமன்னர் உண்மையிலேயே அறிவித்திருந்தால் அதை ஏன் செயல்படுத்தவில்லை என்று கேள்வி எழுகிறது.

இந்த கேள்வி  மிகவும் முக்கியமானது.

மாமன்னரின் உத்தரவை யார் மறைப்பது அல்லது மறுப்பது என்பது அனைவருக்கும் தெரிய வேண்டும் என ஹம்சா கூறினார்.

- பார்த்திபன் நாகராஜன்