சாலை போக்குவரத்து அபராதங்களைச் செலுத்தவில்லை என்றால் ஓட்டுநர் உரிமம் புதுப்பிக்கப்படாது : அந்தோனி லோக்

கோலாலம்பூர்:

ஓட்டுநர்கள் தங்களின் நிலுவையில் உள்ள சாலை போக்குவரத்து அபராதங்களைச் குறைந்த சலுகை விகிதத்தில் செலுத்த 6 மாதங்களுக்கு வாய்ப்பு வழங்கப்படுகின்றது என்று போக்குவரத்து அமைச்சர் அந்தோனி லோக் அறிவித்துள்ளார்.

நாளை ஜனவரி 3-ஆம் நாள்  முதல் ஜூன் 30ஆம் நாள் வரை சிறப்பு ஆறுமாத கால அவகாசம் வழங்கப்படும். 

சிறப்பு சலுகையின் முழு விவரம்

1.   சலுகை விகிதம்:
RM300 என்ற முந்தைய தொகைக்குப் பதிலாக RM150 என்ற ஒரே நிலையான தொகையில் சமன்களைச் செலுத்தலாம்.
2.    தண்டனை புள்ளிகள் இல்லை:
இந்த அவகாசக் காலத்தில், சமன்களைச் செலுத்துவோர் மீதான தண்டனை புள்ளிகள் (demerit points) சேர்க்கப்படமாட்டாது.
3.    கடைசி தேதி:
ஜூன் 30க்குப் பின்னர் சமன்களைச் செலுத்தாதவர்கள் தங்களின் சாலைவரி (Road Tax) மற்றும் வாகன ஓட்டுநர் உரிமத்தை (Driving License) புதுப்பிக்க அனுமதிக்கப்படமாட்டார்கள்.

தகவல்கள்:
    •    தற்போது 20 லட்சம் சம்மன்கள் நிலுவையில் உள்ளன.

    •    இந்தச் சலுகை அவகாசம் குற்றவாளிகளுக்கு தங்கள் பதிவுகளைச் சரிசெய்து மறு வாய்ப்பு அளிக்கின்றது.

சலுகை பொருந்தும் சம்மன்கள்:
    1.    வேக வரம்பு மீறல் (Speed Limit Exceeding).
    2.    சிவப்பு விளக்கு மீறல் (Running Red Lights).
    3.    வாகனத்தில் வைக்கப்பட்ட சம்மன்கள் (Saman Tampal).

பணம் செலுத்தும் வசதிகள்:
    •    புதிய MyJPJ செயலி மூலம் இன்று முதல் பணம் செலுத்தலாம்.
    •    JPJ அலுவலகங்கள், கியாஸ்க்கள், மற்றும் மொபைல் கவுன்டர்கள் வழியாகவும் செலுத்த முடியும்.
    •    MyEG தளத்தில் இந்தச் சலுகை வழங்கப்படமாட்டாது.

இந்த அவகாசத்தைப் பயன்படுத்தி நிலுவையில் உள்ள அபராதத் தொகைகளைச் செலுத்தி விடுங்கள் என அந்தோனி லோக் பொது மக்களைக் கேட்டுக் கொண்டார்.

- தயாளன் சண்முகம்