டிக்டாக், விசேட்டிற்கு உரிமம் வழங்கப்பட்டுள்ளது: தகவல், தொடர்பு, பல்லூடக ஆணையம் அறிவிப்பு

புத்ராஜெயா:

மலேசியாவில் அதிகாரப்பூர்மாக செயல்படுவதற்கு டிக்டாக், விசேட்டிற்கு உரிமம் வழங்கப்பட்டுள்ளது.

தகவல், தொடர்பு, பல்லூடக ஆணையம் ஓர் அறிக்கையின் வாயிலாக இதனை அறிவித்தது.

மலேசியாவில் குறைந்தபட்சம் எட்டு மில்லியன் பதிவு செய்யப்பட்ட பயனர்களைக் கொண்ட அனைத்து சமூக ஊடகங்கள்,  இணையச் செய்தியிடல் சேவைகளுக்கு ஜனவரி 1 முதல் விண்ணப்பச் சேவை வழங்குநர் வகுப்பு உரிமத்தை பெற வேண்டும்.

இதனை தகவல், தொடர்பு, பல்லூடக ஆணையம் கடந்த ஜூலை 27ஆம் தேதி அறிவித்தது.

இதனை அடிப்படையில் விசேட் இந்த உரிமத்தை பெற்றுள்ளது. அதே போன்று டிக்டாக்கிற்கும் அந்த உரிமம் வழங்கப்பட்டுள்ளது.

இவ்விரு தளங்களும் ஏற்கெனவே  புதிதாக அறிமுகப்படுத்தப்பட்ட உரிமத் தேவைகளுக்கு ஏற்ப மலேசியாவில் செயல்பட உரிமங்கள் வழங்கப்பட்டுள்ளது.

டெலிகிராம், முகநூல், இன்ஸ்டாகிராம், வாட்ஸ் ஆப்பை மேற்பார்வையிடும் மேட்டா ஆகியவை இப்புதிய நடைமுறையின் கீழ் உரிமத்திற்கு விண்ணப்பம் செய்துள்ளது.

இது விரைவில் இறுதி செய்யப்படும் என்று அவ்வறிக்கையில் குறிப்பிடப்பட்டுள்ளது.

- பார்த்திபன் நாகராஜன்