ரோன் 97, தீபகற்ப மலேசியாவில் டீசல் விலை 3 சென் உயர்ந்தது

புத்ராஜெயா:

ரோன் 97, தீபகற்ப மலேசியாவில் டீசல் விலை 3 சென் உயர்கிறது.

நிதியமைச்சு ஓர் அறிக்கையின் வாயிலாக இதனை அறிவித்தது.

உலக சந்தையில் கச்சா எண்ணெய் விலை அதிகரிப்புக்கு ஏற்ப இந்த விலை நிர்ணயம் செய்யப்பட்டுள்ளது.

ரோன் 97 இன் விலை லிட்டருக்கு 3.25 ரிங்கிட்டில் இருந்து 3.28 ரிங்கிட்டாக உயர்ந்துள்ளது.

தீபகற்ப மலேசியாவில் டீசல் விலை 2.95 ரிங்கிட்டில் இருந்து 2.98 ரிங்கிட்டாக உயர்ந்து காண்கிறது.

தீபகற்ப மலேசியாவில் டீசலின் சில்லறை விலை, ஜூன் 10ஆம் தேதியன்று வெளியிடப்பட்ட விலையுடன் ஒப்பிடும்போது, ​​லிட்டருக்கு 3.35 ரிங்கிட் குறைவாகவே உள்ளது.

ரோன் 95 பெட்ரோலின் விலை 2.05 ரிங்கிட்டாக நிலை நிறுத்தப்பட்டுள்ளது.

மேலும் சபா, சரவா, லாபுவானில் டீசல் விலை லிட்டருக்கு 2.15 ரிங்கிட்டாக நிலை நிறுத்தப்பட்டுள்ளது.

இந்த புதிய கட்டணம் ஜனவரி 2ஆம் தேதி முதல் 8ஆம் தேதி வரை அமலில் இருக்கும் என்று நிதியமைச்சின் அறிக்கையில் குறிப்பிடப்பட்டுள்ளது.

- பார்த்திபன் நாகராஜன்