பணக்கார முதல்வர் சந்திரபாபு நாயுடு, குறைந்த சொத்து மதிப்புள்ள முதல்வர் மம்தா பானர்ஜி

புது டெல்லி: 

இந்தியாவிலேயே ரூ.931 கோடி சொத்து மதிப்புடன் ஆந்திர முதல்வர் சந்திரபாபு நாயுடு  பணக்கார முதல்வராகவும்,  ரூ.15 லட்சம் சொத்து மதிப்புடன் குறைவான சொத்துள்ள முதல்வராக மேற்கு வங்க முதல்வர் மம்தா பானர்ஜியும் உள்ளதாக ஆய்வில் தெரியவந்துள்ளது.

ஜனநாயக சீர்திருத்த சங்கம் ADR வெளியிட்ட ஆய்வு அறிக்கையில்,மொத்தம் 31 முதல்வர்களின் மொத்த சொத்து மதிப்பு ரூ.1,630 கோடியாகும்.

சந்திரபாபு நாயுடுக்கு அடுத்தபடியாக இரண்டாமிடத்தில் ரூ.332 கோடி சொத்து மதிப்புடன் அருணாசல பிரதேச முதல்வர் பெமா காண்டுவும், ரூ.51 கோடி சொத்து மதிப்புடன் மூன்றாம் இடத்தில் கர்நாடக முதல்வர் சித்தராமையாவும் உள்ளனர்.

அடுத்தடுத்த இடங்களில் ரூ.46 கோடி சொத்து மதிப்புடன் நாகாலாந்து முதல்வர் நிபியூ ரியோ, ரூ.42 கோடி சொத்து மதிப்புடன் மத்திய பிரதேச முதல்வர் மோகன் யாதவ், ரூ.38 கோடி சொத்து மதிப்புடன் புதுச்சேரி முதல்வர் என்.ரங்கசாமி, ரூ.30 கோடி சொத்து மதிப்புடன் தெலங்கானா முதல்வர் ரேவந்த் ரெட்டி, ரூ.25 கோடி சொத்து மதிப்புடன் ஜார்க்கண்ட் முதல்வர் ஹேமந்த் சோரன் ஆகியோர் உள்ளனர்.

தமிழக முதல்வர் மு.க. ஸ்டாலினுக்கு ரூ.8.8 கோடி சொத்து உள்ளதாக தெரிவிக்கப்பட்டுள்ளது. அவர் 14வது இடத்தில் உள்ளார். அவருக்கு கடனில்லை.

- ஆர்யன்