மன்மோகனின் அஸ்தி யமுனையில் கரைப்பு

புது டெல்லி:

மறைந்த முன்னாள் பிரதமர் மன்மோகன் சிங்கின் அஸ்தி யமுனை நதியில் கரைக்கப்பட்டது.

கடந்த 26-ம் தேதி  காலமான மன்மோகன் சிங்குக்கு  அஞ்சலி செலுத்திய பின்பு சீக்கிய மத வழக்கப்படி அவரது உடல், யமுனை நதிக்கரையில் உள்ள நிகாம்போத் காட் பகுதியில் அரசு மரியாதையுடன் தகனம் செய்யப்பட்டது.

அவரது அஸ்தி குருத்வாரா மஜ்னு கா திலா சாஹிபுக்கு கொண்டுவரப்பட்டு பின்னர் அருகில் உள்ள யமுனை நதியில் கரைக்கப்பட்டது.

மன்மோகன் சிங்கின் மனைவி குர்சரண் கவுர், மகள்கள் உபிந்தர், தாமன், அம்ருத் உள்ளிட்டோர்  குருத்வாராவில் சடங்குகளை செய்தனர்.

- ஆர்யன்