ஜாகர்த்தா இசை விழாவில் 45 மலேசியர்கள்  போலிசாரால் மிரட்டப்பட்டு பணம் பறிக்கப்பட்டுள்ளனர்

ஜாகர்த்தா:

Djakarta Warehouse Project (DWP) இசை விழாவிம் போது 45 மலேசியர்கள் அங்குள்ள போலிஸ் அதிகாரிகளால் மிரட்டி பணம் பறித்தாக இந்தோனேசிய அதிகாரிகள் தெரிவித்தனர்.

இதில் கிட்டத்தட்ட 160,000 அமெரிக்க டாலர் பறிமுதல் செய்யப்பட்ட ஆதாரங்கள் உள்ளது  என்று போலிஸ் துறையின்  தொழில், பாதுகாப்புப் பிரிவின் தலைவர் அப்துல் கரீம் தெரிவித்தார்.

மலேசியர்களால் இரண்டு அதிகாரப்பூர்வ புகார்கள் பதிவு செய்யப்பட்டுள்ளன.

மேலும் விசாரணை முழுவதும் புகார்தாரரின் அடையாளம் பாதுகாக்கப்படும்.

மெட்ரோ டிவி நேரடியாக ஒளிபரப்பிய செய்தியாளர் கூட்டத்தில் அவர் இதனை கூறினார்.

விசாரணையில் வெளிப்படைத்தன்மை, நேர்மையை உறுதி செய்வதற்காக தேசிய போலிஸ் இந்த வழக்கை உன்னிப்பாகக் கண்காணித்து வருகிறது.

எங்கள் போலிஸ்துறை அதிகாரிகளின் எந்த வகையான மீறல்களையும் கையாள்வதில் தீவிரமாக இருக்கிறோம்

பாதிக்கப்பட்டவர் யாராக இருந்தாலும் எவருக்கும் எதிராக நாங்கள் கடுமையான நடவடிக்கை எடுப்போம் என்றார்.

- பார்த்திபன் நாகராஜன்