அமெரிக்காவில் 18 ஆண்டுகளாகத் தடுத்து வைக்கப்பட்ட 2 மலேசியர்கள் மீண்டும் தாயகம் வந்தடைந்தனர்: சைஃபுடின் 

கோலாலம்பூர்:

அமெரிக்காவில் 18 ஆண்டுகளாகத் தடுத்து வைக்கப்பட்ட 2 மலேசியர்கள் மீண்டும் தாயகம் திரும்பியுள்ளதாக உள்துறை அமைச்சர் டத்தோஸ்ரீ சைஃபுடின் நசுத்தியோன் இஸ்மாயில் தெரிவித்தார்.

அமெரிக்காவின் குவாந்தானாமோ பெய்யில் (Guantanamo Bay) 18 ஆண்டுகளாகத் தடுத்து வைக்கப்பட்டிருந்த 2 மலேசியர்களை அமெரிக்க அரசு மீண்டும் மலேசியாவிடம் ஒப்படைத்தது. 

48 வயதான முஹம்மத் மட் ஃபாரிக் அமின், 47 வயதான முஹமட் நசீர் லெப் ஆகிய இருவரும் 2003-ஆம் ஆண்டு தாய்லாந்தில் 202 உயிர்களைப்  பறித்த பாலி குண்டுவெடிப்பு சம்பவம் தொடர்பில் இவ்விரு மலேசியர்களும் கைது செய்யப்பட்டனர்.

மேலும், அமெரிக்க இராணுவ நீதிபதி Lt. Col. Wesley A. Braun இவர்களுக்கு 5 ஆண்டுகள் சிறைத்தண்டனை விதித்த நிலையில் அமெரிக்க பாதுகாப்பு துறை அவர்களை மலேசியாவிடமே ஒப்படைத்து விட்டதாக  சைஃபுடின் 
குறிப்பிட்டார். 

தொடர்ந்து, இவர்களை மீட்டெடுக்கும் நடவடிக்கையைச் செயல்படுத்த உதவிய நிறுவனங்களுக்கு சைஃபுடின் நன்றி தெரிவித்தார்.

- கௌசல்யா ரவி  & அஸ்வினி செந்தாமரை