2018 -ஆம் ஆண்டு முதல் போத்தா(POTA) சட்டத்தின் கீழ் கைது செய்யப்பட்ட 13 பேரில் 4 பேர் வெளிநாட்டவர்களாவர்: சைஃபுடின் 

கோலாலம்பூர்: 

தீவிரவாதத் தடுப்புச் சட்டம் 2015 (POTA) சட்டத்தின் கீழ் கைது செய்யப்பட்ட 18 வயதுக்கும் மேற்பட்ட 13 பேரில் நான்கு பேர் வெளிநாட்டினராவர் என்று உள்துறை அமைச்சர் டத்தோஸ்ரீ சைஃபுடின் நசுத்தியோன் இஸ்மாயில் கூறினார்.

மேலும், 2018-ஆம் ஆண்டிலிருந்து கடந்த ஆறு ஆண்டுகளாக இவர்கள் தடுப்பு உத்தரவின் கீழ் தடுத்து வைக்கப்பட்டுள்ளனர். 

போத்தா(POTA) சட்டம்  2015 இன் கீழ் நடைமுறைகள் தீவிரவாத தடுப்பு வாரியத்தால் வழங்கப்பட்ட தடுப்புக்காவல் அல்லது  கட்டுப்பாட்டு உத்தரவுகளை உள்ளடக்கியதாக அவர் கூறினார். 

2018 ஆம் ஆண்டில், நான்கு ஆண்களும், இரண்டு பெண்களும் அடங்கிய ஆறு பேர் கைது செய்யப்பட்டனர். 

இதில் மூன்று பேர் வெளிநாட்டவர்கள் ஆவர்.  

2019 ஆம் ஆண்டில், இரண்டு ஆண்களும் ஒரு பெண்ணும் அடங்கிய மூன்று பேர் கைது செய்யப்பட்டனர். 

இதில், இரண்டு பேர் வெளிநாட்டவர்கள். 

மேலும், 2021 ஆம் ஆண்டில் ஒரு பெண்ணும், 2022 ஆம் ஆண்டில் மற்றொரு ஆணும் கைது செய்யப்பட்டதாக சைஃபுடின் மேலும் கூறினார். 

ஜனவரி 2018 முதல் இவ்வாண்டு செப்டம்பர் வரை போத்தாவின் கீழ் கைது செய்யப்பட்டவர்களும் வழக்குத் தொடர்ந்தவர்களின் எண்ணிக்கையையும் குறித்து அமைச்சகத்திடம் கேட்ட சோ யூ ஹுய் (PH -RAUB ) கேள்விக்குப் பதிலளிக்கும் போது சைஃபுடின் இவ்வாறு கூறினார்.

- நந்தினி ரவி & அஸ்வினி செந்தாமரை