வாட்ஸ் அப், முகநூல் உள்ளிட்ட மெட்டா சேவைகள் திடீர் முடக்கம்: பயனர்கள் கடும் அவதி

நியூ யார்க்:

வாட்ஸ் அப், முகநூல் உள்ளிட்ட மெட்டா சேவைகள் நேற்று நள்ளிரவில் உலகெங்கும் முடங்கியதால் பயனர்கள் கடும் அவதிக்குள்ளாகியுள்ளனர்.

இந்த இரு சமூக ஊடகத் தளத்தைப் பயன்படுத்தும் பயனர்கள் கருத்துப் பரிமாற்றம், புகைப்படம், காணொலி பதிவேற்றம் உள்ளிட்ட சேவைகளைப் பெற முடியாமல் அவதிக்கு உள்ளாகினர்.

இரவு 11 மணி முதல் வாட்ஸ்-அப் செயலியின் மூலம் குறுந்தகவல்கள் எதுவும் பகிர இயலவில்லை என எக்ஸ் தளத்தில் பயனர்கள் புகாரளித்து வந்தனர்.

இதனையடுத்து #MetaDown, #WhatsappDown போன்ற ஹேஷ்டேகுகளை பயன்படுத்தி பயனர்கள் பலரும் புகார் கூறிவருகின்றனர்.

இது குறித்து மெட்டா நிறுவனம் விளக்கம் எதுவும் அளிக்கவில்லை.

- அஸ்வினி செந்தாமரை