துல்லியமான இஸ்லாமிய போதனைகளை நிலைநிறுத்துவதற்கு சிலாங்கூரிலுள்ள அனைத்து இஸ்லாமிய போதகர்களும் மாநில இஸ்லாமிய சமய மன்றத்தின் அங்கீகாரம் பெற வேண்டும்: சுல்தான் ஷராஃபுடின் 

ஷா ஆலம்:

துல்லியமான இஸ்லாமிய போதனைகளை நிலைநிறுத்துவதற்கு சிலாங்கூரிலுள்ள அனைத்து இஸ்லாமிய போதகர்களும் மாநில  இஸ்லாமிய சமய மன்றத்தின் அங்கீகாரம் பெற வேண்டும் என்று சிலாங்கூர் சுல்தான், சுல்தான் ஷராஃபுடின் தெரிவித்துள்ளார்.

சிலாங்கூர் மாநில இஸ்லாமிய சமய விவகாரத் துறை மாநிலத்திற்கு அழைக்கப்பட்ட அனைத்து இஸ்லாமிய போதகர்களையும், குறிப்பாக அக்கிடா, ஷரியா, தஸவ்வுஃப் போதனைகள் தொடர்பான விஷயங்களைப் பேசுவதை உறுதி செய்யுமாறு அறிவுறுத்தப்பட்டுள்ளது. 

மார்க்கத்தை முழுமையாகப் புரிந்து கொள்ளாத நபர்கள் அல்லது அங்கீகாரம் பெறாத ஆசிரியர்களிடமிருந்து கற்றுக் கொண்ட போதகர்கள் தவறான விளக்கங்களை பொதுமக்களுக்குப் பரப்புவதைத் தடுக்க வேண்டும் என்று சுல்தான் கூறினார்.

இஸ்லாத்தின் உண்மையான போதனையில் ஈடுபட்டுள்ள மார்க்க நிறுவனங்கள் அல்லது நிறுவனங்களின் முயற்சிகள் மூலம் சரியான புரிதலை வழங்குவதே இந்தப் பிரச்சினைக்கான தீர்வு என்பதை தாம் கருதுவதாக அவர் குறிப்பிட்டார். 

- அஸ்வினி செந்தாமரை