பூனையை துன்புறுத்திய ஆடவர் கைது

கோலாலம்பூர்:

பூனையை துன்புறுத்திய  ஆடவரை போலிசார் கைது செய்துள்ளனர்.

கோலாலம்பூர் போலிஸ்படை தலைவர் டத்தோ ருஸ்டி முகமத் இசா இதனை உறுதிப்படுத்தினார்.

சம்பந்தப்பட்ட ஆடவர் பூனையை அடித்து துன்புறுத்திய வீடியோ டிக்டாக்கில் வைரலானது.

அந்த வீடியோ காட்சிகளில் ஒரு ஆடவர் பூனையை துன்புறுத்தியதுடன் அப்பூனையின்  கழுத்தில் கயிற்றை கட்டி இழுத்து சென்றுள்ளார்.

அவ்வீடியோவின் அடிப்படையில் பிரிக்பீல்ட்ஸ் குற்றப் புலனாய்வுப் பிரிவின் அதிகாரிகள் ஞாயிற்றுக்கிழமை மாலை 6.10 மணியளவில் 43 வயதுடைய ஒருவரை அவரது வீட்டில் கைது செய்தது.

குற்றவியல் சட்டத்தின் 428வது பிரிவின் கீழ் விசாரணைக்கு உதவுவதற்காக சந்தேக நபர் தடுப்பு காவலில் வைக்கப்பட்டுள்ளார் என்று அவர் கூறினார்.

- பார்த்திபன் நாகராஜன்