கூட்டரசுப் பிரதேசத்தில் 5 நாடாளுமன்றத் தொகுதிகளை தேசிய முன்னணி குறிவைக்கிறது: ஜாஹித்

கோலாலம்பூர்:

கூட்டரசுப் பிரதேசத்தில் 5 நாடாளுமன்றத் தொகுதிகளை தேசிய முன்னணி குறிவைத்துள்ளது.

தேசிய முன்னணி தலைவர் டத்தோஶ்ரீ அஹ்மத் ஜாஹித் ஹமிடி இதனை கூறினார்.

நாட்டின் 16ஆவது பொதுத் தேர்தலில் ஒருமைப்பாட்டு அரசாங்கத்தில் உள்ள கூட்டணிகள் ஒன்றிணைந்து போட்டியிடவுள்ளன.

இதன் அடிப்படையில் கூட்டரசுப் பிரதேசத்தில் 5 தொகுதிகளில் தேசிய முன்னணி போட்டியிடவுள்ளது.

டத்தோஶ்ரீ ஜொஹாரி அப்துல் கனி வெற்றி பெற்ற தித்திவங்சா, புத்ராஜெயா, லாபுவான் ஆகிய தொகுதிகளும் அதில் அடங்கும்.

இத்தொகுதிகள் குறித்து பேச்சுவார்த்தைகள் நடத்தப்படும். இதில் 5 தொகுதிகள் தேசிய முன்னணிக்கு கிடைக்கும் என்ற நம்பிக்கை எங்களுக்கு உள்ளது.

கூட்டரசுப் பிரதேச தேசிய முன்னணி கூட்டத்தை தொடக்கி வைத்து பேசிய அவர் கூறினார்.

- பார்த்திபன் நாகராஜன்