பினாங்கில் நடந்த கைகலப்பு சம்பவம் தொடர்பாக 17 பேர் கைது: போலிஸ்

ஜார்ஜ்டவுன்:

பினாங்கில் நடந்த கைகலப்பு சம்பவம் தொடர்பாக கிட்டத்தட்ட 17 பேரை போலிசார் கைது செய்துள்ளனர்.

பினாங்கு தென் மேற்கு மாவட்ட போலிஸ் தலைவர் ஏசிபி ஷசாலி அடாம் இதனை கூறினார்.

ஜார்ஜ் டவுன் அருகே உள்ள குயின் வாட்டர் ஃப்ரண்ட் க்யூ 1ல் நேற்று அதிகாலை கடுமையான கைகலப்பு நடந்தது.

இந்த சண்டை தொடர்பாக விசாரணைக்கு உதவ இரண்டு பெண்கள் உட்பட 17 உள்ளூர் நபர்களை போலிசார் கைது செய்தனர்.

19 முதல் 40 வயதுடைய அவர்கள் ஜார்ஜ்டவுனுக்கு அருகிலுள்ள பாயான் லெபாஸைச் சுற்றியுள்ள பல இடங்களில் நேற்று அதிகாலை 2 மணியளவில் நடந்த சண்டைக்குப் பிறகு தனித்தனியாக கைது செய்யப்பட்டனர்.

இந்த விவகாரம் தொடர்பில் போலிசார் விசாரணைகளை மேற்கொண்டு வருகின்றனர் என்று அவர் கூறினார்.

முன்னதாக சம்பந்தப்பட்ட கைகலப்பு தொடர்பான வீடியோ பதிவுகள் சமூக ஊடகங்களில் வைரலானது.

இது ஒரு ஜோடி காதலர்களுக்கு இடையிலான தவறான புரிதல் காரணமாக இருக்கலாம் என நம்பப்படுகிறது.

- பார்த்திபன் நாகராஜன்