மலேசிய ஏர்லைன்ஸ் விமானம் தொழில்நுட்பக் கோளாறு காரணமாக ஹோ சி மின் நகருக்குத் திருப்பியது

சிப்பாங்:

ஹாங்காங்கில் இருந்து கோலாலம்பூருக்குச் சென்ற எம்எச் 79 விமானம் ஹோ சி மின் நகர விமான நிலையத்திற்கு திருப்பி விடப்பட்டதை மலேசிய ஏர்லைன்ஸ் நிறுவனம் உறுதிப்படுத்தியது.

மலேசியா ஏவியேஷன் குழுமம் இன்று வெளியிட்டுள்ள அறிக்கையில், 

147 பயணிகள்,  7 பணியாளர்களுடன் சென்ற விமானம் உள்ளூர் நேரப்படி காலை 10.40 மணிக்கு பத்திரமாக தரையிறங்கியது.

பாதுகாப்பு நலன்களுக்காக, பணியில் இருந்த விமானி, அசல் இலக்கான கோலாலம்பூருக்குப் பயணத்தைத் தொடர்வதற்கு முன், சிக்கலைத் தீர்க்க முடியும் என்பதை உறுதிப்படுத்த விமானத்தைத் திருப்பிவிட முடிவு செய்யப்பட்டது.

எல்லா நேரங்களிலும், பயணிகளின் பாதுகாப்பு ஒருபோதும் சமரசம் செய்யப்படவில்லை என்று அந்த அறிக்கையில் குறிப்பிடப்பட்டுள்ளது.

- பார்த்திபன் நாகராஜன்