60 வயதுக்கு மேல் நோய்களால் வாடும் தொழிலாளர் வர்க்கத்தை மனிதவள அமைச்சு எவ்வாறு பாதுகாக்கிறது: டத்தோஶ்ரீ சரவணன் கேள்வி

கோலாலம்பூர்:

அறுவது வயதுக்கு மேல் நோய்களால் வாடும் தொழிலாளர் வர்க்கத்தை பாதுகாக்க மனிதவள அமைச்சு என்ன திட்டங்களை கொண்டுள்ளது.

தாப்பா நாடாளுமன்ற உறுப்பினர் டத்தோஶ்ரீ எம். சரவணன் மக்களவையில் இக்கேள்வியை எழுப்பினார்.

தொழிலாளர்களை பாதுகாக்கும் மிகப் பெரிய கடப்பட்டை சொக்சோ கொண்டுள்ளது.

இதை அடிப்படையில் சொக்சோவில் முறையாக சந்தா செலுத்தப்படுகிறது. 

இந்த சொக்சோவில் 60 வயதுக்கு கீழ்ப்பட்ட தொழிலாளர்கள் தான் இழப்பீடுகளை பெற முடியும்.

ஆனால் பல தொழிலாளர்கள் 60 வயதுக்கு மேல் தான் பல அபாயக் கரமான நோய்களால் பாதிக்கப்படுகின்றனர்.

அதனால் இழப்பீட்டுக்கான 60 வயது என்ற நிபந்தனையை 65ஆக உயர்த்தப்பட வேண்டும்.

இது தொடர்பில் மனிதவள அமைச்சின் நிலைபாடு என்னவென்று டத்தோஶ்ரீ சரவணன் கேள்வி எழுப்பினார்.

இக்கேள்விக்கு பதிலளித்த மனிதவள துணையமைச்சர் டத்தோஶ்ரீ அப்துல் ரஹ்மான்,

குறைந்தபட்ச ஓய்வூதிய வயதுச் சட்டம் 2012 இன் படி, கடந்த 2013 ஆம் ஆண்டு இழப்பீட்டுக்கான வயது வரம்பை 55 வயதிலிருந்து 60 வயதாக  சொக்சோ மாற்றியது.

இதன் அடிப்படையில் இந்த வயது வரம்பு 60ஆக உள்ளது.

இருப்பினும் 60 வயது, அதற்கு மேற்பட்டவர்கள் இன்னும் முறையான துறையில் பணிபுரியும் தொழிலாளர்கள், அந்த தொழிலாளர்கள் வேலை விபத்து திட்டம் சட்டம் 4 இன் கீழ் பாதுகாக்கப்படுவதற்கு தகுதியுடையவர்கள்.

பரிந்துரைக்கப்பட்ட பங்களிப்பு விகிதம் இரண்டாவது அட்டவணையின்படி உள்ளது. இது முதலாளியால் மட்டுமே செலுத்தப்படுகிறது.

அதே வேளையில் சுய தொழில் செய்பவர்கள் சுயதொழில் சமூக பாதுகாப்பு 2017 (சட்டம் 789) கீழ் பாதுகாப்பு வழங்கப்படுகிறது.

சுயதொழில் செய்பவர்களுக்கான பாதுகாப்பு திட்டத்தின் தொழில் சார்ந்த நோய்கள் உட்பட தொழில் சார்ந்த பேரழிப்புகள்  உட்பட வேலை நடவடிக்கைகளை மேற்கொள்ளும் போது விபத்துக்கள் ஆகியவற்றுக்கு உரிய பாதுகாப்புகள் வழங்கப்பட்டும் என்று அவர் கூறினார்.

- பார்த்திபன் நாகராஜன்