மூன்று நாள் அதிகாரப்பூர்வ பயணம் மேற்கொண்டு பிரதமர் சியோல் சென்றடைந்தார்

சியோல்:

மூன்று நாள் அதிகாரப்பூர்வ பயணம் மேற்கொண்டு பிரதமர் டத்தோஶ்ரீ அன்வார் இப்ராஹிம் சியோல் சென்றடைந்தார்.

பிரதமர் சென்ற விமானம் நேற்று இரவு சியோல் விமானத் தளத்தை சென்றடைந்தது.

தென் கொரிய செய்தித் தொடர்பாளரும் பொது விவகாரங்களின் துணை அமைச்சருமான லீ ஜேவூங், மலேசியாவுக்கான தென் கொரிய தூதர் யோ சியுங் பே,  தென் கொரியாவுக்கான மலேசியத் தூதர் டத்தோ முகமட் ஜம்ருனி காலிட் ஆகியோர் வரவேற்றனர். 

பிரதமரின் இப்பயணம் மலேசியா, தென் கொரியா இடையே தற்போதுள்ள இருதரப்பு உறவை மேலும் வலுப்படுத்தும்

அதே வேளையில் மலேசியா,  தென் கொரியா இரு நாடுகளுக்கும் இடையிலான இராஜதந்திர உறவுகளின் 65ஆவது ஆண்டு நிறைவை அடுத்த ஆண்டு கொண்டாடவுள்ளது என்பது குறிப்பிடத்தக்கது.

- பார்த்திபன் நாகராஜன்