குளோபல் இக்வான் தலைமை நிர்வாக அதிகாரியின் போதனைகள் தவறானது: எம்கேஐ அறிவிப்பு

கோலாலம்பூர்:

குளோபல் இக்வான் தலைமை நிர்வாக அதிகாரியின் போதனைகள் மிகவும் தவறானது.

எம்கேஐ எனப்படும் தேசிய இஸ்லாமிய சமய விவகாரங்களுக்கான வாரியத்தின் தலைவர் நோ காடுத் இதனை கூறினார்.

செப்டம்பர் 24 முதல் 26 வரை நடந்த கூட்டத்தில் எடுக்கப்பட்ட முடிவு எம்கேஐ கௌரவத் தலைவர் பேரா சுல்தான்,  சுல்தான் நஸ்ரின் ஷாவிடம் வழங்கப்பட்டது.

குறிப்பாக குளோபல் இக்வான்  தலைமை நிர்வாக அதிகாரி நசிருதீன் முஹம்மது அலி கொண்டு வந்த போதனைகள் தவறான பண்புகளைக் கொண்டிருப்பதாக அவர் கூறினார்.

வாரியத்தின் முசகாரா கமிட்டி சட்டக் கருத்தை கவனத்தில் எடுத்துக் கொண்டது.

மேலும் மாநிலங்களின் அதிகாரிகள் அந்தந்த மாநிலங்களில் ஃபத்வாக்களை வெளியிடும் நோக்கத்திற்காக இந்த முடிவை பரிசீலிக்கலாம்  என்று அவர் ஒரு அறிக்கையில் தெரிவித்துள்ளார்.

- பார்த்திபன் நாகராஜன்