பிரதமர் பாதுகாப்பாக ஷாங்காய் சென்றடைந்தார்

ஷாங்காய்:

பிரதமர் டத்தோஶ்ரீ அன்வார் இப்ராஹிம் பாதுகாப்பாக சீனாவின் ஷாங்காய் நகருக்கு சென்றடைந்தார்.

பிரதமர் நான்கு நாள் அதிகாரப்பூர்வ பயணமாக சீனாவுக்கு சென்றுள்ளார்.

உலகளாவிய நிதி மையமாக விளங்கும் ஷாங்காய் நகரில் நடைபெறும் 7ஆவது சீன சர்வதேச இறக்குமதி கண்காட்சியில்  கலந்து கொள்வதற்காக அன்வாருக்கு பிரதமர் லீ கியாங்கின் விடுத்த அழைப்பின் பேரில் இந்த பயணம் அமைந்துள்ளது.

பிரதமர் பயணித்த சிறப்பு விமானம் உள்ளூர் நேரப்படி இரவு 9.50 மணிக்கு ஷாங்காய் ஹாங்கியாவ் சர்வதேச விமான நிலையத்தில் தரையிறங்கியது.

பெய்ஜிங்கில் உள்ள மலேசியத் தூதர் டத்தோ நோர்மன் முகமத், ஷாங்காய் நகரில் உள்ள மலேசியத் தூதரகம் சையத் பாரிசல் அமினி சையத் முகமது ஆகியோர்  பிரதமரை வரவேற்றனர்.

- பார்த்திபன் நாகராஜன்