நவம்பர் 15-ஆம் தேதி சிலாங்கூர் மாநில வரவு செலவுத் திட்டம் தாக்கல் செய்யப்படும்: அமிருடின் ஷாரி

ஷா ஆலம்:

2025-ஆம் ஆண்டுக்கான சிலாங்கூர் மாநில வரவு செலவுத் திட்டம் தாக்கல் செய்யப்படும் என்று அம்மாநில மந்திரி பெசார்  டத்தோஸ்ரீ அமிருடின் ஷாரி  தெரிவித்தார். 

நவம்பர் 15ஆம் தேதி மாலை 3.00 மணிக்குச் சட்டப்பேரவையில் வரவு செலவுத் திட்டம் தாக்கல் செய்யப்படவுள்ளது. 

இந்த வரவு செலவுத் திட்டத் தாக்கல் செய்வதை  https://www.facebook. com/ MediaSelangor வாயிலாக நேரடியாக ஒளிபரப்பப்படும்.

மாநிலத்தின் பொருளாதாரத்திற்கு உத்வேகம் அளிப்பதற்கும் முதலீடுகளை ஈர்ப்பதற்கும் தேவையான பிரத்தியேக முன்னெடுப்புகள்  இந்த வரவு செலவுத் திட்டத்தில் இடம் பெற்றுள்ளதாக மந்திரி பெசார் கூறியிருந்தார்.

மக்களின் நலனைக் காக்கும் அதேவேளையில்  நாட்டின் மொத்த உள்நாட்டு  உற்பத்தியில் முதன்மைப் பங்களிப்பாளர் என் பெயரையும் தக்க வைத்துக் கொள்வதற்கு தொடர்ச்சியாக முயற்சிகள் மேற்கொள்ளப்பட வேண்டும் என்று அவர் வலியுறுத்தினார்.

நவம்பர் 29 ஆம் தேதி வரை  நடைபெறவிருக்கும் மாநில சட்டமன்றக் கூட்டத்துடன் இணைந்து வரவு செலவுத் திட்டமும் தாக்கல் செய்யப்படும் என்று சட்டமன்ற சபாநாயகர்  லாவ் வேங் சான் முன்னதாக கூறியிருந்தார்.

- அஸ்வினி செந்தாமரை