செய்திகள் கலைகள்
ரஜினி சாதிக்காததை உதயநிதி ஸ்டாலின் செய்யப் போகிறார்: சினிமா விநியோகஸ்தர்களுக்கு 'செக்'
சென்னை:
கோலிவுட்டில் ஒரு அதிரடி மாற்றத்தைக் கொண்டு வருவதற்கான முயற்சியில் தமிழக முதல்வரின் மகனும் நடிகரும் எம்எல்ஏவுமான உதயநிதி ஸ்டாலின் ஈடுபட்டுள்ளார்.
இனி புதுப்படங்களை வெளியிடு தொடர்பாக திரையரங்க உரிமையாளர்களும் தயாரிப்பாளர்களும் நேரடியாகப் பேச்சுவார்த்தை நடத்துவார்கள் என்றும் இடைத்தரகர்களுக்கு இதில் இடமில்லை என்றும் உதயநிதி தரப்பில் கூறப்படுகிறது.
அதாவது இடைத்தரகர்கள் என அவர்கள் குறிப்பிடுவது சினிமா வினியோகஸ்தர்களைத்தான்.
இதன் மூலம் கோடம்பாக்கத்தில் இனி விநியோகஸ்தர்கள் என்ற பிரிவினருக்கு இனி வேலையே இருக்காது என்றும், திரையரங்க உரிமையாளர்களும் தயாரிப்பாளர்களும் இதன் மூலம் ஆதாயமடைவார்கள் என்றும் விவரமறிந்தவர்கள் கூறுகின்றனர்.
"முன்பெல்லாம் ஒரு திரைப்படம் நன்றாக ஓடினாலும் விநியோகஸ்தர்கள் அதில் கணிசமான பகுதியை எடுத்துக் கொள்வதால் தயாரிப்பாளர்களின் லாபம் குறைந்து போகும். இனி அவ்வாறு நடக்காது," என்கிறார்கள் விவரமறிந்தவர்கள்.
கடந்த 1993ஆம் ஆண்டு ரஜினி நடித்த உழைப்பாளி படம் இப்படித்தான் விநியோகஸ்தர்கள் குறுக்கீடு இன்றி திரையரங்கு உரிமையாளர்களின் ஆதரவுடன் வெளியானது. ஆனால் ரஜினியும் விநியோகஸ்தர்களும் பின்னர் ராசியாகிவிட்டனர்.
ஆனால், உதயநிதி தரப்போ, வியாபார விஷயத்தில் 'வெட்டு ஒன்று துண்டு இரண்டு' எனக் கறாராகவும் சரியாகவும் செயல்படுவதாகத் தகவல். அதனால் ரஜினி சாதிக்காத ஒன்றை உதயநிதி செய்து காட்டுவார் என்று கோலிவுட்டில் பேசப்படுகிறது.
ரஜினியின் 'அண்ணாத்த' உட்பட சுமார் 8 பெரிய பட்ஜெட் படங்கள் இந்தப் புதிய முறையில் வெளியீடு காண உள்ளதாக கோடம்பாக்கத்தில் பரபரப்பு நிலவுகிறது.
தொடர்புடைய செய்திகள்
April 25, 2024, 6:48 pm
ஜனநாயக புலிகள் கட்சியின் தலைவரும், நடிகருமான மன்சூர் அலிகான் காங்கிரஸில் இணைகிறார்
April 21, 2024, 9:47 am
தலைவர் 171 திரைப்படத்தின் டைட்டில் நாளை அதிகாரப்பூர்வமாக அறிவிக்கப்படும்
April 20, 2024, 2:24 pm
ரோமியோ திரைப்படத்தை அன்பே சிவமாக ஆக்கிவிடாதீர்கள் : விஜய் ஆண்டனி
April 20, 2024, 11:12 am
நடிகர் விஷால் நடித்துள்ள ரத்னம் திரைப்படம் ஏப்ரல் 26ஆம் தேதி வெளியாகிறது
April 19, 2024, 5:29 pm
அமீர் கானுக்கு எதிரான DEEP FAKE தேர்தல் பிரச்சார வீடியோ: போலீஸார் வழக்கு
April 19, 2024, 1:22 pm
வாக்களிக்க ரஷ்யாவிலிருந்து சென்னைக்கு திரும்பினார் நடிகர் விஜய்
April 19, 2024, 12:54 pm
நடிகை ஷில்பா ஷெட்டியின் ரூ.98 கோடி சொத்துகள் முடக்கம்
April 19, 2024, 10:17 am
மக்களவை தேர்தல்; முதல் ஆளாக வாக்கு செலுத்திய நடிகர் அஜித்குமார்
April 18, 2024, 5:48 pm