இந்தோனேசிய அதிபரான ப்ராபோவோ சுபியண்டோவைச் சந்தித்தார் பிரதமர் டத்தோஶ்ரீ அன்வார் இப்ராஹிம் 

ஜகார்த்தா: 

இந்தோனேசியா நாட்டிற்கு அலுவல் பயணம் மேற்கொண்டிருக்கும் பிரதமர் டத்தோஶ்ரீ அன்வார் இப்ராஹிம், பயணத்தின் ஓர் அங்கமாக இந்தோனேசிய நாட்டின் அதிபர் ப்ராபோவோ சுபியண்டோவை மரியாதை நிமித்தமாக சந்தித்தார் 

இந்த சந்திப்பு ப்ராபோவோவின் இல்லத்தில் நிகழ்ந்தது. நேற்றிரவு நடைபெற்ற இந்த சந்திப்பில் இந்தோனேசிய நாட்டின் எட்டாவது அதிபராக வெற்றிப்பெற்ற அவருக்குப் பிரதமர் அன்வார் இப்ராஹிம் ஆதரவு அளித்தார். 

எங்கள் இருவருக்கும் உள்ள நட்பு என்பது தனிப்பட்ட மட்டுமில்லாமல் இரு நாடுகளும் நட்புறவுடன் தொடர்ந்து பயணம் செய்வோம்.

மேலும், இரு நாட்டின் நலன்களுக்காக இருவரும் இணைவோம் என்று தனது முகநூல் பதிவில் டத்தோஶ்ரீ அன்வார் இப்ராஹிம் குறிப்பிட்டிருந்தார்

-மவித்திரன்