அபுயாவின் மகன் குளோபல் இக்வான் உறுப்பினர்களால் சித்திரவதை செய்யப்பட்டார் என்ற குற்றச்சாட்டை போலிஸ் விசாரிக்கும்: ஐஜிபி ரஸாருடின்

கோலாலம்பூர்:

அபுயாவின் மகன் குளோபல் இக்வான் உறுப்பினர்களால் சித்திரவதை செய்யப்பட்டார் என்ற குற்றச்சாட்டை போலிஸ் விசாரிக்கும்.

தேசிய போலிஸ்படைத் தலைவர் டான்ஶ்ரீ  ரஸாருடின் ஹுசைன் இதனை கூறினார்.

குளோபல் இக்வான் உறுப்பினர்களால் அடக்குமுறைக்கு ஆளானதாகவும், அடைக்கப்பட்டதாகவும் கூறப்படும் முன்னாள் தலைவர் அல்-அர்காம் அஷாரி முஹம்மதுவின் மகள் உம்மு அத்தியாவின் குற்றச்சாட்டுகள் குறித்து போலீசார் விசாரணை நடத்தி வருகின்றனர்.

41 வயது பெண்மணி ஒருமுறை அறையில் அடைக்கப்பட்டதாகக் கூறப்படும் குற்றச்சாட்டுகள் தொடர்பாக மேலதிக விசாரணைக்காக, செப்டம்பர் 24ஆம் தேதி கோலா சுங்கை பாரு காவல் நிலையத்தில், மேலாகாவில் அந்தப் பெண்ணின் வாக்குமூலத்தை போலிசார் பதிவு செய்தனர்.

ஜோர்டானில் தனது கல்வியைத் தொடரும் போது, ​​அங்கு தனது குடும்பத் தொழிலை நிர்வகித்து வரும் நிலையில், 

தனது நான்காவது மனைவியாக குளோபல் இக்வான் தலைவர் ஒருவரைத் திருமணம் செய்து கொள்ள வேண்டிய கட்டாயம் ஏற்பட்டதாகவும் அந்தப் பெண் கூறியுள்ளார்.

இந்த விவகாரம் தொடர்பில் போலிசார் உரிய விசாரணைகளை மேற்கொண்டு வருகின்றனர் என்று அவர் கூறினார்.

- பார்த்திபன் நாகராஜன்