![image](https://imgs.nambikkai.com.my/ulu-tiram.jpg)
செய்திகள் உலகம்
உலு திராம் காவல் நிலையத் தாக்குதலுக்கு சிங்கப்பூர் கடும் கண்டனம்; மலேசியா செல்லும் சிங்கப்பூரர்களுக்குக் கவனம் தேவை: சிங்கப்பூர் வெளியுறவு அமைச்சு எச்சரிக்கை
சிங்கப்பூர்:
மலேசியாவின் ஜொகூர் பாரு உலு திராம் (Ulu Tiram) காவல் நிலையத் தாக்குதலுக்கு சிங்கப்பூர் கடும் கண்டனம் தெரிவித்துள்ளது.
சம்பவத்தில் இரு காவல் அதிகாரிகள் மாண்டனர். ஒருவர் காயமடைந்தார். மாண்ட அதிகாரிகளின் குடும்பத்துக்கு சிங்கப்பூர் தனது ஆழ்ந்த இரங்கலைத் தெரிவித்துக்கொண்டது.
சிங்கப்பூர் வெளியுறவு அமைச்சு சற்று முன்னர் அது குறித்து ஓர் அறிக்கை வெளியிட்டது.
வெளியுறவு அமைச்சு, கோலாலம்பூரில் உள்ள சிங்கப்பூர்த் தூதரகம், ஜொகூர் பாருவில் உள்ள சிங்கப்பூர் துணைத் தூதரகம் ஆகியவை ஜொகூர் பாரு நிலைமையை அணுக்கமாகக் கண்காணித்து வருவதாய் அந்த அறிக்கை குறிப்பிட்டது.
மலேசியாவுக்குச் செல்லும் சிங்கப்பூரர்கள் கவனமாக இருக்கும்படி வெளியுறவு அமைச்சு கேட்டுக்கொண்டது.
தனிப்பட்ட பாதுகாப்பை உறுதிசெய்ய எல்லா முன்னெச்சரிக்கை நடவடிக்கைகளையும் எடுக்கும்படி அது சொன்னது.
அவசரநிலையில் அரசாங்கம் தொடர்புகொள்ள ஏதுவாக, மலேசியா செல்லும் சிங்கப்பூரர்கள் அனைவரும் வெளியுறவு அமைச்சின் இணையத்தளத்தில் பதிவு செய்துகொள்ளுமாறு கேட்டுக்கொள்ளப்பட்டுள்ளது.
- ஃபிதா
தொடர்புடைய செய்திகள்
July 26, 2024, 11:02 am
பிலிப்பைன்ஸ் கடற்பகுதியில் 17 பேருடன் கடலில் மூழ்கிய எண்ணெய்க் கப்பல்
July 25, 2024, 2:28 pm
உலகின் சக்திவாய்ந்த பாஸ்போர்ட்: இலங்கைக்கு 93ஆவது இடம்
July 25, 2024, 12:46 pm
வெளிநாட்டு சுற்றுப்பயணிகளை ஈர்க்க அமீரகத்தில் சுகாதார காப்பீடுடன் கூடிய சுற்றுலா விசா
July 25, 2024, 10:28 am
கொரோனாவால் இறந்த முஸ்லிம்களை எரித்ததற்காக இலங்கை அரசு மன்னிப்பு கோருகிறது
July 25, 2024, 9:57 am
நெட்டன்யாஹுவின் பேச்சுக்கு எதிர்ப்பு தெரிவித்து அமெரிக்காவிலும் இஸ்ரேலிலும் ஆர்ப்பாட்டங்கள்
July 24, 2024, 5:42 pm
ஒலிம்பிக் போட்டிக்கு பிறகே புதிய அரசாங்கம்: பிரெஞ்சு அதிபர் இமானுவல் மக்ரோன்
July 24, 2024, 5:27 pm
கனடாவில் ஹிந்து கோயில் மீது தாக்குதல்
July 24, 2024, 3:23 pm