30 ஆயிரத்தை தாண்டிய காசா பலி: நெஞ்சை பதற வைக்கும் உயிரிழந்தவர்களின் விவரம்

காசா சிட்டி:

காசாவில் கடந்த 5 மாதங்களாக இஸ்ரேல் நடத்தி வரும் தாக்குதலில் உயிரிழந்தவர்களின் எண்ணிக்கை 30 ஆயிரத்தைக் கடந்துள்ளது.
இதில் பெரும்பாலானவர்கள் சிறுவர்கள் என்பது நெஞ்சை பதற வைக்கிறது.

இது குறித்து அந்தப் பகுதி சுகாதாரத் துறை அமைச்சகம் வெளியிட்ட அறிக்கையில் தெரிவிக்கப்பட்டுள்ளதாவது:

இத்துடன், இந்தப் பகுதியில் இஸ்ரேல் படையினர் கடந்த அக். 7 முதல் நடத்தி வரும் தாக்குதலில் உயிரிழந்தவர்களின் எண்ணிக்கை 30,035ஆக அதிகரித்துள்ளது. இஸ்ரேல் குண்டுவீச்சில் இதுவரை 70,457 பேர் காயமடைந்துள்ளனர் என்று அந்த அறிக்கையில் தெரிவிக்கப்பட்டுள்ளது.

இந்தப் போரில் ஹமாஸ் போராளிகள்  12,000க்கும் மேற்பட்டோர் உயிரிழந்துள்ளதாக இஸ்ரேல் அரசும், 6000 பேர் உயிரிழந்துள்ளதாக ஹமாஸ் அமைப்பும் தெரிவித்துள்ளது.

உயிரிழந்தவர்களின் எண்ணிக்கை:
சிறுவர்கள் - 12,660+
பெண்கள் - 8,570+
முதியவர்கள் - 1,049
மருத்துவப் பணியாளர்கள் - 340
ஐ.நா. ஊழியர்கள் - 152
செய்தியாளர்கள் - 200+

- ஆர்யன்