பன்றி மீது மோதுவதை தவிர்க்க முயன்ற கணவன், மனைவி விபத்தில் பலி

சுங்கைப்பட்டாணி:

பன்றியை மோதுவதை தவிர்க்க முயன்ற கணவன், மனைவி விபத்தில் மரணமடைந்தனர்.

இவ்விபத்து கோல மூடா போலீஸ் தலைமையகத்திற்கு அருகே நிகழ்ந்தது.

முகமத் நோர்ஜைனால் (வயது 46), அவரின் மனைவி சுஹானா ஒத்மான் (வயது 43) ஆகிய இருவரும் மோட்டார் சைக்கிளில் சென்றுக் கொண்டிருந்தனர்.

அதிகாலை 1 மணியளவில் சாலையில் சென்ற பன்றியை மோதுவதை அவர்கள் தவிர்க்க முயன்றனர்.

இதனால் எதிரே இருந்த மின் கம்பத்தை மோதி அவர்கள் விபத்துக்குள்ளாகினர்.

இந்த விபத்தில் கடுமையான காயங்களுக்கு இலக்கான அவர்கள் இருவரும் மரணமடைந்தனர்.

மரணமடைந்த அவர்களுக்கு 5 பிள்ளைகள் உள்ளனர் என்பது குறிப்பிடத்தக்கது.

- பார்த்திபன் நாகராஜன்