ஏஎப்சி சாம்பியன் லீக்: ஜேடிதி படுதோல்வி

தோக்கியோ:

ஏஎப்சி சாம்பியன் லீக் கிண்ண கால்பந்துப் போட்டியில் ஜேடிதி அணியினர் படுதோல்வி அடைந்தனர்.

தடோர்கி அரங்கில் நடைபெற்ற ஆட்டத்தில் ஜேடிதி அணியினர் கவாசாகி அணியை சந்தித்து விளையாடினர்.

விறுவிறுப்பாக நடைபெற்ற இந்த ஆட்டத்தில் ஜேடிதி அணியினர் 0-5 என்ற கோல் கணக்கில் கவாசாகி அணியிடம் தோல்வி கண்டனர்.

உள்ளூர் கால்பந்துப் போட்டிகளை ஆக்கிரமித்து வரும் ஜேடிதி அணியினர் அனைத்துலக போட்டிகளில் பின்னடைவை எதிர்நோக்கி வருகின்றனர்.

இது ஜேடிதி அணியின் ரசிகர்களுக்கு ஏமாற்றத்தை அளித்துள்ளது.

மற்றொரு ஆட்டத்தில் அல் ஹிலால் அணியினர் 2-0 என்ற கோல் கணக்கில் நாவ்பவோர் அணியை வீழ்த்தி வெற்றி பெற்றனர்.

- பார்த்திபன் நாகராஜன்