ஸ்ரீ முருகன் கல்வி நிலையம் பாராட்டத்தக்க வெற்றியை பதித்துள்ளது: அமைச்சர் சிவக்குமார்

பெட்டாலிங் ஜெயா: 

இந்திய சமூகத்தில் கல்வி புரட்சியை ஏற்படுத்திய ஸ்ரீ முருகன் கல்வி நிலையத்தின் பணி மிகவும் மகத்தானது என்று மனிதவள அமைச்சர் வி. சிவக்குமார் அறிவித்தார்.

பல நூற்றாண்டுகளாக, இந்தியர்கள் உலகின் மிகச்சிறந்த கல்வியாளர்களாக இருந்து வருகின்றனர். 

உலகெங்கிலும் உள்ள இந்தியர்கள் அவர்களின் அறிவுசார் பங்களிப்பு மற்றும் திறன்களுக்காக அங்கீகரிக்கப்படுகிறார்கள். 

மலேசியாவில் இந்திய குடும்பங்களைச் சேர்ந்த பிள்ளைகள் சிறப்பாகச் செயல்படுவதையும், அதிகமான இந்தியர்கள் பட்டம்  பெற்று சாதனை படைத்திருப்பதை ஸ்ரீ முருகன் கல்வி நிலையத்தின் வழி பார்க்கிறோம்.

வியர்வை மற்றும் உழைப்பின்றி இந்த மாபெரும் வெற்றி ஒருபோதும் சாத்தியமில்லை

ஒரு வெற்றிகரமான நிறுவனத்திற்கு மிகவும் தகுதியானவர் கல்வி தந்தை டான்ஸ்ரீ டாக்டர் எம் தம்பிராஜா அவர்கள்.

உண்மைத்தன்மை, நேர்மை, அன்பு மற்றும் கவனிப்பு ஆகியவை ஸ்ரீ முருகன் கல்வி நிலையத்தின் சிறப்புகளாகும்.

கடந்த 41 ஆண்டுகளுக்கும் மேலாக, ஸ்ரீ முருகன் கல்வி நிலையம் கல்விக்காக மகத்தான தியாகம் செய்துள்ளது என்பதை யாரும் மறுக்க முடியாது என்று அமைச்சர் சிவக்குமார் தெரிவித்தார்.

1982இல்  கல்வி புரட்சி  நெருப்பில் ஒரு அணு  கூட குறைக்கவில்லை. மாறாக, அது தொடர்ந்து வளர்ந்து வருவதை நாம் நேரடியாக காண்கிறோம்.

இந்த நாட்டில்  ஸ்ரீ முருகன் கல்வி நிலையம் பாராட்டத்தக்க வெற்றியை பதித்துள்ளது.

இந்த வகையில், ஒரு அரசு சாரா அமைப்பாக, ஸ்ரீ முருகன் கல்வி நிலையம் தங்கு தடையின்றி சேவை செய்து வருவது பாராட்டத்தக்கது. 

நான்கு தசாப்தங்களாக  இந்தியக் குழந்தைகளுக்கு  கல்வியை போதித்து  வருகிறது .

இதன் மூலமான பயனடைந்த ஆயிரக்கணக்கான மாணவர்கள். இது மிகப் பெரிய மகிழ்ச்சியை அளிக்கிறது. 

இதுவரை 28,000க்கும் மேற்பட்டோர் பட்டதாரிகளை உருவாக்கிய பெருமை ஸ்ரீ முருகன் கல்வி நிலையத்தை சாரும்.

ஸ்ரீ முருகன் கல்வி நிலையம் மதிப்புகள், மரியாதை ஆகியவற்றிற்கு சமமான முக்கியத்துவத்தை அளித்ததுள்ளதை உண்மையிலேயே வரவேற்கிறேன்.

டான்ஸ்ரீ டாக்டர் தம்பிராஜா தலைமையில் ஸ்ரீ முருகன் கல்வி நிலையத்தின் பணி இந்திய சமுதாயத்திற்கு தொடர மனதார வாழ்த்துகிறேன் என்று அமைச்சர் சிவக்குமார் தெரிவித்தார்.

கார்த்திகை தீப திருவிழாவை முன்னிட்டு இன்று ஸ்ரீ முருகன் கல்வி நிலையத்தின் ஏற்பாட்டில் இன்று நடைபெற்ற விழாவில் மனிதவள அமைச்சர் சிவக்குமார் கலந்து சிறப்பித்தார் என்பது குறிப்பிடத்தக்கது.

- பார்த்திபன் நாகராஜன்