"என் பெயர் அஸ்னாஃப்களின் பட்டியலில் மட்டுமே உள்ளது": முன்னாள் தொலைக்காட்சி பிரபலம்

கோலாலம்பூர்: 

"என் பெயர் அஸ்னாஃப்களின் (புத்ரா ஹைட்ஸ் எரிவாயு வெடிவிபத்தால் பாதிக்கப்பட்டவர்கள்) பட்டியலில் உள்ளது, ஆனால் அது ஒரு பெயர் மட்டுமே. மாதாந்திர உதவி எதுவும் எனக்கு கிடைக்கவில்லை," என்று முன்னாள் TV3 பிரபலம், ஐதில் அப்துல் கஃபார் கூறினார்.

கடந்த ஆண்டு ஏப்ரல் 1 ஆம் தேதி, செவ்வாய்க்கிழமை காலை சுபாங் ஜெயாவில் உள்ள புத்ரா ஹைட்ஸில் நடந்த எரிவாயு குழாய் தீ விபத்தில் பாதிக்கப்பட்டவர்களில் ஒருவரான 58 வயதான ஐதில், அந்தச் சம்பவத்திற்குப் பிறகு, சிலாங்கூர் ஜகாத் வாரியம் (LZS) பாதிக்கப்பட்ட ஒவ்வொரு முஸ்லிம் குடும்பத் தலைவருக்கும் RM500 நன்கொடை வழங்கியதாகக் தெரிவித்தார்.

"எனவே என் பெயரும் பட்டியலில் இருந்தது. நான் அதை ஏற்றுக்கொண்டேன். மேலும், சம்பவத்திற்குப் பிறகு எனக்கு வருமானம் எதுவும் இல்லை. அதாவது, அந்த நன்கொடை ஒரு முறை மட்டுமே வழங்கப்பட்டது.

"இன்றுவரை, LZS எந்தப் பின்தொடர் உதவியையும் வழங்கவில்லை," என்று அவர் ஹரியன் மெட்ரோவிடம் கூறினார்.

ஹரி ராயாவின் இரண்டாம் நாள் காலையில் நடந்த இந்தச் சம்பவத்தில் ஐதிலும் அவரது குடும்ப உறுப்பினர்கள் நான்கு பேரும் தீ விபத்திலிருந்து தப்பினர்.

அவரும், அவரது மனைவி, இரண்டு குழந்தைகள், ஒரு மருமகனும் அணிந்திருந்த ஆடைகளைத் தவிர வேறு எதுவும் இல்லாமல் தங்கள் வீட்டை விட்டு வெளியேற வேண்டிய கட்டாயம் ஏற்பட்டது.

அவர் வாடகைக்கு விட்டிருந்த சொத்து சேதமடைந்தது, மேலும் அவரது நான்கு கார்கள் தீயில் அழிந்தன. அவர்கள் மஸ்ஜித் புத்ரா ஹைட்ஸில் உள்ள தற்காலிக தங்குமிட மையத்திற்கு (PPS) கொண்டு செல்லப்பட்டனர்.

தனது மனைவி வேலை செய்யவில்லை என்றும் ஆட்டிசம், ஏ.டி.எச்.டி.யால் பாதிக்கப்பட்ட தனது மகனுடன் இன்னும் அதே வீட்டில் வசிப்பதாக ஐதில் கூறினார்.

"எனது இரண்டு மகள்களுக்கும் திருமணம் ஆகிவிட்டது, அவர்கள் தனித்தனியாக வசிக்கிறார்கள். எனக்கு தற்போது நிலையான வருமானம் எதுவும் இல்லை. வேலை வாய்ப்புகளும் இல்லை. ஏன் என்று கூட எனக்குத் தெரியவில்லை.

"வேலைக்கு விண்ணப்பிக்க நான் மிகவும் வயதானவன். எனக்கு உண்மையிலேயே வருமானம் ஈட்ட எந்த வழியும் இல்லை. வாடகை ஐந்து மாதங்கள் பாக்கி உள்ளது. அதிர்ஷ்டவசமாக, வீட்டு உரிமையாளர் என் நிலையைப் புரிந்துகொண்டு அனுதாபமாக இருக்கிறார்," என்று அவர் கூறினார்.

-சங்கீர்த்தனா