செய்திகள் உலகம்
தாய்லாந்து வந்துசேர்ந்ததும் தக்சின் கைது செய்யப்படுவார்
பேங்காக்:
தாய்லாந்தின் முன்னாள் பிரதமர் தக்சின் ஷினவாத், 74, செவ்வாய்க்கிழமை அவரது தனியார் விமானத்திலிருந்து டோன் முவாங் விமான நிலையத்தில் தரையிறங்கியதும் காவல்துறையையும் சீர்திருத்தத் துறையையும் சேர்ந்த அதிகாரிகள் அவரைக் கைது செய்வர் என்று தகவல்கள் கூறியுள்ளன.
தக்சினின் கடைசி மகள் பெதொங்தார்ன் ஷினவாத் தமது தந்தையை செவ்வாய்க்கிழமை காலை ஒன்பது மணிக்கு விமான நிலையத்தில் சந்திக்கப்போவதாக இன்ஸ்டகிராம் பதிவு ஒன்றில் குறிப்பிட்டார்.
தக்சின் நீதிமன்றச் செயல்பாட்டு நேரத்திற்குப் பிறகு வந்து சேர்ந்தால் காவல்துறையையும் சீர்திருத்தத் துறையையும் சேர்ந்த அதிகாரிகள் மாற்றுத் திட்டம் ஒன்றையும் வைத்திருப்பதாகத் தகவல்கள் கூறுகின்றன.
நீதிமன்றச் செயல்பாட்டு நேரத்திற்குள் வந்து சேர்ந்தால், அவர் முதலில் உச்ச நீதிமன்றத்திற்குக் கொண்டு செல்லப்படுவார்.
பின்னர் அவர் பேங்காக் சிறைச்சாலைக்குக் கொண்டு செல்லப்படுவார் என்று கூறப்படுகிறது.
தக்சின் பேங்காக் சிறைச்சாலையிடம் ஒப்படைக்கப்பட்டதும் அவர் சிறைக் கைதியாகப் பதிவு செய்யப்படுவார் என்று தெரிவிக்கப்பட்டது.
அதன் பிறகு அவர் பத்து நாள்கள் தடுப்புக்காவலில் வைக்கப்பட்டிருப்பார்.
தக்சின் முதிய வயதில் இருப்பதால் அவருக்கு அணுக்கமான மருத்துவப் பராமரிப்பு தேவைப்படுமா என்பதைச் சிறைச்சாலை மருத்துவர்கள் உறுதிசெய்வார்கள்.
அவருக்கு நாட்பட்ட நோய் ஏதாவது இருந்தால், அவர் சிறைச்சாலை மருத்துவமனையில் தடுத்துவைக்கப்பட வேண்டுமா என்பதை மருத்துவர்கள் முடிவு செய்வர்.
- பார்த்திபன் நாகராஜன்
தொடர்புடைய செய்திகள்
May 1, 2024, 10:56 pm
இந்தோனேசியாவில் எரிமலை மீண்டும் வெடித்தது: மலேசியா வரை பரவிய சாம்பல்
May 1, 2024, 8:49 am
அமெரிக்கப் பல்கலைக்கழகத்தில் ஆர்ப்பாட்டம் செய்யும் மாணவர்கள் நீக்கம்
April 30, 2024, 1:33 pm
துபாய் கனமழையால் பாதிக்கப்பட்ட வணிகங்களுக்கு வட்டியில்லா கடன் அறிவிப்பு
April 30, 2024, 1:13 pm
ஐக்கிய அரபு அமீரகத்தில் ஆலங்கட்டி மழை
April 30, 2024, 1:01 pm
அஸ்ட்ராஜெனெகா தடுப்பூசி அரியப் பக்க விளைவுகளை ஏற்படுத்தும்
April 29, 2024, 11:00 am
இந்தோனேசியா ஜாவா தீவில் 6.1 ரிக்டர் அளவில் சக்தி வாய்ந்த நிலநடுக்கம்: மக்கள் பீதி
April 29, 2024, 10:55 am
எலான் மஸ்க் சீனப் பிரதமர் லி கியாங்கைச் சந்தித்தார்
April 28, 2024, 7:44 pm
உக்ரைனுக்கு பேட்ரியாட் ஏவுகணை: அமெரிக்கா முடிவு
April 28, 2024, 1:49 pm