செய்திகள் விளையாட்டு
உலகில் கால்பந்து மையமாக உருவெடுக்க சவூதி அரேபியா தயார்: ஜான் அலெஸ்லி
ரியாத்:
உலகில் கால்பந்து மையமாக உருவெடுக்க சவூதி அரேபியா தயார் என்று உலக கால்பந்து உச்ச மாநாட்டின் ஆசிய நிறுவனர் ஜான் அலெஸ்லி கூறினார்.
உலக கால்பந்து உச்ச நிலை மாநாடு வரும் டிசம்பர் மாதம் சவூதி அரேபியா ரியாத்தில் நடைபெறவுள்ளது.
இந்த மாநாட்டில் கிட்டத்தட்ட 1,500க்கும் மேற்பட்ட பேராளர்கள் கலந்து கொள்ளவுள்ளனர்.
உலக கால்பந்துத் துறையின் மேம்பாட்டிற்கு மிகப் பெரிய பங்கை இந்த மாநாடு வழங்கும் என்று அம்மாநாட்டின் அறிமுக விழாவில் ஜான் அலெஸ்லி கூறினார்.
கால்பந்து வளர்ச்சி, உருமாற்றத்திற்குச் சவூதி அரசாங்கம் பல நடவடிக்கைகளை மேற்கொண்டு வருகிறது.
பிரபல கிளப்புகள், லீக்குகள், நிறுவனங்கள் ஆகியவற்றுடன் இணைந்து செயல்படுவதற்கான முயற்சிகள் மேற்கொள்ளப்பட்டு வருகிறது.
அதன் அடிப்படையில் இந்த மாநாடு ஃபிஃபா எனப்படும் அனைத்துலக கால்பந்து சம்மேளத்தின் ஒத்துழைப்புடன் நடைபெறவுள்ளது.
150க்கும் மேற்பட்ட குழு உறுப்பினர்கள் 100க்கும் மேற்ப்பட்ட அனைத்துலக ஊடக பிரதிநிதிகளும் கலந்து கொள்ளவுள்ளனர்.
இதன் மூலம் இம்மாநாட்டின் செய்திகள் அனைத்துலக ரீதியில் கொண்டு சேர்க்கப்படும்.
இரண்டு நாட்கள் கொண்ட இம்மாநாட்டில் கால்பந்து மேம்பாடு, வர்த்தக தொடர்புகள், அனுபவ பகிர்வுகளும் இடம்பெறவுள்ளது.
சவூதி அஜ்லன் அண்ட் ஹோல்டிங் தனது துணை நிறுவனமான சாத் எண்டர்டேய்மன்ட் நிறுவனத்துடன் இணைந்து மை இவெண்ட்ஸ் இண்டர்நேஷனல் நிறுவனம் இம்மாநாட்டை நடத்த இணக்கம் காணப்பட்டுள்ளது என்று ஜான் அலெஸ்லி கூறினார்.
2027ஆம் ஆண்டு ஏஎப்சி ஆசியக் கிண்ணம், பிபா உலகக் கிண்ணம் ஆகிய போட்டிகளை ஏற்று நடத்தும் முயற்சிகளில் சவூதி அரேபியா அரசாங்கம் உள்ளது.
இதன் உச்சக்கட்டமாக தான் உலகின் பிரபலமாக கிறிஸ்டியானோ ரொனால்டோவை சவூதி அரேபியா கவர்ந்ததுடன் அவர் தற்போது அந்நாட்டு கிளப்பில் விளையாடி வருகிறார் என்பது குறிப்பிடத்தக்கது.
-பார்த்திபன் நாகராஜன்
தொடர்புடைய செய்திகள்
March 28, 2024, 3:36 pm
இலங்கையில் மகளிர் ஆசியக் கிண்ண கிரிக்கெட் தொடர்
March 28, 2024, 9:39 am
அர்ஜெண்டினா வீரர் ஏஞ்சல் டி மரியாவுக்கு கொலை மிரட்டல்
March 28, 2024, 6:17 am
IPL 2024: திணறிய மும்பை இண்டியன்ஸ்: சாதித்தது ஹைதராபாத் - 31 ரன்களில் வெற்றி
March 27, 2024, 3:23 pm
ஓமானிடம் மலேசியா 0-2 கோல் கணக்கில் தோல்வி: விளையாட்டாளர்களைத் தற்காக்கிறார் பான் கோன்
March 27, 2024, 7:50 am
2026 உலகக் கிண்ணம், 2027 ஆசியக் கிண்ண தகுதி சுற்று மலேசியா மீண்டும் தோல்வி
March 27, 2024, 7:47 am
அனைத்துலக நட்புமுறை ஆட்டம்: போர்த்துகல் தோல்வி
March 26, 2024, 5:06 pm
மியாமி ஓபன்: போபண்ணா ஜோடி காலிறுதிக்கு முன்னேற்றம்
March 26, 2024, 3:02 pm
சென்னையில் இன்று ஐபிஎல் போட்டி முடிந்து செல்லும் ரசிகர்களின் வசதிக்காக சிறப்பு ரயில்கள் இயக்கம்
March 26, 2024, 10:03 am
தினேஷ் கார்த்திக்கும்-லோம்ரோர் கூட்டணியின் அதிரடியில் வீழ்ந்தது பஞ்சாப் அணி
March 25, 2024, 12:35 pm