லா லீகா கால்பந்துப் போட்டி: ரியல்மாட்ரிட்டை வீழ்த்தியது பார்சிலோனா

மாட்ரிட்:

லா லீகா கால்பந்துப் போட்டியில் பார்சிலோனா அணியினர் வெற்றி பெற்றனர்.

காம்ப் நவ் அரங்கில் நடைபெற்ற ஆட்டத்தில் பார்சிலோனா அணியினர் ரியல்மாட்ரிட் அணியை சந்தித்து விளையாடினர்.

இரு முன்னணி அணிகள் மோதியதால் மிகுந்த எதிர்பார்ப்புகளுக்கு மத்தியில் இந்த ஆட்டம் நடைபெற்றது.

இதில் சிறப்பான ஆட்டத்தை வெளிப்படுத்திய பார்சிலோனா அணியினர் 2-1 என்ற கோல் கணக்கில் ரியல்மாட்ரிட் அணியை வீழ்த்தி வெற்றி பெற்றனர்.

பார்சிலோனா அணியின் வெற்றி கோல்களை செர்கி ரோபர்தோ, பிரான்கி கேஸ்சி ஆகியோர் அடித்தநர்.

இந்த வெற்றியை தொடர்ந்து பார்சிலோனா அணியினர் 68 புள்ளிகளுடன் பட்டியலில் முதல் இடத்தில் உள்ளனர்.

மற்ற ஆட்டங்களில் கெதாஃபி, ரியால் சோஷிடாட், வில்லாரியல், ரியால் பெதிஸ் ஆகிய அணிகள் வெற்றி பெற்றன.

- பார்த்திபன் நாகராஜன்