இண்டியன்வெல்ஸ் டென்னிஸ் போட்டி: அல்காரஸ், சின்னர் அரையிறுதிக்கு முன்னேற்றம்

இண்டியன்வெல்ஸ்:

இண்டியன்வெல்ஸ் சர்வதேச டென்னிஸ் போட்டி அமெரிக்காவில் நடந்து வருகிறது.

இதில் ஆண்கள் ஒற்றையர் பிரிவில் நேற்று நடைபெற்ற காலிறுதி சுற்று ஒன்றில் ஸ்பெயின் வீரர் கார்லஸ் அல்காரஸ், கனடா வீரர் அகர் அலிசிமெவை சந்தித்தார். 

இந்த போட்டியில் கார்லஸ் 6-4, 6-4 என்ற நேர் செட் கணக்கில் அகரை வீழ்த்தி அரைஇறுதிக்கு முன்னேறினார். 

மற்றொரு காலிறுதியில் இத்தாலி வீரர் ஜானிக் சின்னர், அமெரிக்காவின் டெய்லர் பிரிட்சுடன் மோதினார். 

முதல் செட்டை 6-4 என சின்னர் கைப்பற்றினார். அடுத்த செட்டை 6-4 என பிரிட்ஸ் வென்றார். வெற்றியாளரை நிர்ணயிக்கும் மூன்றாவது செட்டை 6-4 என்ற கணக்கில் சின்னர் கைப்பற்றினார். 

இதன்மூலம் 6-4, 4-6, 6-4 என்ற செட் கணக்கில் சின்னர் வென்று அரையிறுதிக்கு முன்னேறினார்.

ஆதாரம்: https://bnpparibasopen.com