ஆறு துண்டுகளாக வெட்டப்பட்ட ஆடவரின் சடலம் பயண பெட்டிக்குள் மீட்பு

ரவாங்:

ஆறு துண்டுகளாக வெட்டப்பட்ட ஆடவரின் சடலம் பயண பெட்டிக்குள் இருந்து மீட்கப்பட்டது.
வடக்கு - தெற்கு நெடுஞ்சாலையின் ரவாங் டோல் சாவடிக்கு அருகே பயண பெட்டி ஒன்று சாலையோரத்தில் கிடந்தது.

இந்த பெட்டிக்குள் இருந்து துர்நாற்றம் வீசியதை தொடந்து போலீஸ்க்கு தகவல் கொடுக்கப்பட்டு உள்ளது.

அங்கு விரைந்த போலீஸ் அதிகாரிகள் அந்த பெட்டியை திறந்து பார்த்து உள்ளனர்.
அப்பெட்டிக்குள் மனித சடலம் இருந்ததை அவர்கள் உறுதி செய்தனர்.

ஒரு ஆடவரின் சடலத்தை ஆறு துண்டுகளாக வெட்டப்பட்டு அந்த பெட்டிக்குள் அடைக்கப்பட்டு இங்கு வீசியுள்ளதை அதிகாரிகள் உறுதிப்படுத்தி உள்ளனர்.

அதே வேளையில் கொலை செய்யப்பட்டது வெளிநாட்டனரை சேர்ந்தவர் என்பதும் முதல் கட்ட விசாரணையில் தெரிய வந்து உள்ளது.

இவ்விவகாரம் குறித்து போலீசார் தொடர் விசாரணைகளை நடத்தி வருவதும் இங்கு குறிப்பிடத்தக்கது.

- பார்த்திபன் நாகராஜன்