சர்வதேச விண்வெளி நிலையத்தில் 355 நாள்கள் தங்கிவிட்டு ரஷிய விண்கலத்தில் திரும்பிய அமெரிக்கர்

வாஷிங்டன்:

சர்வதேச விண்வெளி நிலையத்தில் 355 நாள்கள் தங்கியிருந்து பணியாற்றிய விட்டு அமெரிக்க விண்வெளி வீரர் மார்க் வேன்ட் ஹே (55) ரஷிய விண்கலத்தில் புதன்கிழமை பூமி திரும்பினார்.

உக்ரைன் மீதான படையெடுப்பால் ரஷியா மீது அமெரிக்கா உள்ளிட்ட நாடுகள் பொருளாதாரத் தடைகளை விதித்துள்ள நிலையில், ரஷிய விண்கலத்தில் மார்க் வேன்ட் ஹே பூமிக்கு திரும்பியுள்ளார்.

மார்க் வேன்ட் ஹேவுடன் ரஷிய விண்வெளி நிறுவனத்தைச் சேர்ந்த அன்டன் ஸ்காப்லெரோவ், பீட்டர் டப்ரோவ் ஆகியோரும் பூமிக்கு திரும்பினர்.

இவர்களில் டப்ரோவும் மார்க் வேன்ட் ஹையை போலவே சுமார் ஓராண்டு சர்வதேச விண்வெளி நிலையத்தில் தங்கியிருந்து பணியாற்றியவர் என்பது குறிப்பிடத்தக்கது.

அவர்கள் திரும்பிய ரஷிய விண்கலமான சோயுஸ் எம்எஸ்19 கஜகஸ்தானில் தரையிறங்கியது.