நஜிப்பின் வீட்டுக் காவல் நிறுத்தி வைப்பு: அட்டர்னி ஜெனரல் அலுவலகம் (AGC)

கோலாலம்பூர்:

முன்னாள் பிரதமர் டத்தோ ஸ்ரீ நஜிப் ரசாக்கின் வீட்டுக் காவல் திட்டத்தை தற்காலிகமாக ஒத்திவைக்க வேண்டும் என்று அட்டர்னி ஜெனரல் அலுவலகம் (AGC) தெரிவித்துள்ளது.

சட்ட விளக்கம் கிடைக்கும் வரை இந்த ஒத்திவைப்பு இருக்கும் என்றும், அதுவரை நஜிப் தற்போது இருக்கும் அதே இடத்தில் - அதாவது காஜாங் சிறையில் - தொடர்ந்து தடுத்து வைக்கப்பட வேண்டும் என்றும் AGC தனது அறிக்கையில் கூறியுள்ளது. 

ஏன் இந்த குழப்பம்?

செப்டம்பர் 18, 2026 அன்று மாமன்னர் சுல்தான் இப்ராஹிம் வழங்கிய நிபந்தனை மன்னிப்பின்படி, நஜிப் ரூ.50 மில்லியன் அபராதத்தை செலுத்தினால், மீதமுள்ள தண்டனையை 2028 ஆகஸ்ட் 23 வரை வீட்டுக் காவலில் அனுபவிக்கலாம் என்று அனுமதிக்கப்பட்டது. 

ஆனால் இன்று (நவம்பர் 6) அபராதம் செலுத்தப்பட்ட பிறகு இரண்டு விதமான விளக்கங்கள் எழுந்துள்ளன:

1ஆவது விளக்கம்: 

50 மில்லியன் ரிங்கிட் செலுத்தியது அபராதத்தை மட்டுமே முடித்தது. சிறை தண்டனை 2028 ஆகஸ்ட் 23 வரை தொடரும். வீட்டுக் காவல் என்பது சிறையில் இருப்பதற்கு பதிலாக வீட்டில் இருக்கும் ஒரு மாற்று ஏற்பாடு மட்டுமே.

2ஆவது விளக்கம்:

அபராதம் செலுத்தியதும் SRC வழக்கின் சிறை தண்டனையே முடிந்துவிட்டதாக கருதலாம்.

இதே குழப்பம் கோலாலம்பூர் உயர் நீதிமன்றம் இன்று வழங்கிய "Order of Discharge on Payment of Fine" உத்தரவிலும் உள்ளது. 

அந்த உத்தரவு உடனடியாக விடுதலை செய்ய வேண்டும் என்றும் சொல்கிறது, அதே நேரத்தில் மீதமுள்ள தண்டனையை வீட்டுக் காவலில் அனுபவிக்க வேண்டும் என்றும் சொல்கிறது. 

1MDB வழக்குக்கும் பாதிப்பு:

SRC வழக்கின் மீதமுள்ள சிறை தண்டனை குறித்த விளக்கம், 1MDB வழக்கின் தண்டனையை அமல்படுத்துவதையும் பாதிக்கும். 

ஏனெனில் 1MDB தண்டனை SRC தண்டனை முடிந்த பிறகு தான் தொடங்க வேண்டும் என்று உத்தரவிடப்பட்டுள்ளது.

மேலும், அக்டோபர் 14, 2026 அன்று 1MDB வழக்கின் தண்டனையை நிறுத்தி வைக்க கோரி நஜிப் தாக்கல் செய்த மனுவை உயர் நீதிமன்றம் நிராகரித்ததையும் AGC சுட்டிக்காட்டியுள்ளது. 

AGC சொல்வது என்ன?

"இந்த தற்காலிக ஒத்திவைப்பு மாமன்னரின் ஆணையை எதிர்க்கவோ அல்லது ரத்து செய்யவோ நோக்கமல்ல. மாறாக, அரச ஆணையும் நீதிமன்ற உத்தரவுகளும் சரியாகவும், ஒழுங்காகவும், உண்மையான சட்ட நிலைக்கு ஏற்பவும் அமல்படுத்தப்படுவதை உறுதி செய்வதற்காகவே."

இந்த விஷயங்கள் சட்ட ரீதியாக சிக்கலானவை, முன்னெப்போதும் இல்லாதவை என்று AGC விவரித்துள்ளது. தெளிவான சட்ட விளக்கம் கிடைத்த பிறகு மேல் நடவடிக்கை எடுக்கப்படும் என்று தெரிவித்துள்ளது. 

இன்று நடந்தது என்ன?

இன்று மதியம் 2.37 மணிக்கு நஜிப் காஜாங் சிறையில் இருந்து வெளியே வந்தார், ஆனால் AGC அறிக்கைக்கு பிறகு இரவில் மீண்டும் காஜாங் சிறைக்கு திரும்பியதாக தகவல் வெளியாகியுள்ளது.

- ஃபிதா