காஜாங் சிறையிலிருந்து காரில் வெளியே வந்த நஜிப்

காஜாங்:

முன்னாள் பிரதமர் டத்தோஸ்ரீ நஜிப் ரசாக்கை, இன்று பிற்பகல் 2.37 மணிக்கு இங்குள்ள காஜாங் சிறை வளாகத்திலிருந்து காரில் வெளியே வந்தார்.

எக்ஸ்70 ரக வாகனம், போலிஸ்படை, மலேசிய சிறைத்துறை வாகனங்களின் பாதுகாப்புடன் சென்றது.

இருப்பினும், அந்த வாகனம் எங்கு சென்றது என்பது இதுவரை உறுதி செய்யப்படவில்லை.

நஜிப்பை ஏற்றிச் சென்ற வாகனத்தைத் தொடர்ந்து, அவரது வழக்கறிஞர் முஹம்மது ஃபர்ஹான் ஷாஃபியை ஏற்றிச் சென்ற வாகனமும் சிறை வளாகத்தை விட்டு வெளியேறியதாக அந்த இடத்தில் மேற்கொள்ளப்பட்ட கண்காணிப்புகளில் தெரியவந்தது.

முன்னதாக, நஜிப் வீட்டுக் காவலில் இருப்பதற்கான நிபந்தனையாக, கோலாலம்பூர் உயர் நீதிமன்றத்திற்கான அனைத்து  செயல்முறைகளையும் தனது கட்சி இன்று காலை முடித்துவிட்டதாக அம்னோ பொதுச் செயலாளர் டத்தோ டாக்டர் அஷ்ராப் வாஜ்தி டுசுகி உறுதிப்படுத்தினார்.

முன்னாள் அம்னோ தலைவருக்கு உதவுவதற்காக செப்டம்பர் 18 அன்று தொடங்கப்பட்ட நஜிப் ரசாக் ஒற்றுமை நிதி மூலம் திரட்டப்பட்ட நிதி ஏற்கனவே அதன் இலக்கை எட்டியுள்ளது மற்றும் போதுமானதாக உள்ளது என்று அவர் கூறினார்.

- பார்த்திபன் நாகராஜன்