மின்னணு விலைப்பட்டியல்: அபராதமில்லா PKPS திட்டத்தின் கீழ் சுமார் 6,000 வரி செலுத்துவோர் பதிவுகளைத் திருத்தியுள்ளனர்

கோலாலம்பூர்:

6,000-க்கும் மேற்பட்ட வரி செலுத்துவோர், மின்னணு விலைப்பட்டியல் சிறப்புத் தன்னார்வ வெளிப்படுத்தல் திட்டத்தின் மூலம் தங்கள் பரிவர்த்தனைப் பதிவுகளைத் திருத்தி, அபராதங்கள் அல்லது இணக்கத் தணிக்கைகளைத் தவிர்த்துள்ளனர்.

ஜூலை 7 முதல் டிசம்பர் 31, 2027 வரை நடைபெறும் இத்திட்டம், மின்னணு விலைப்பட்டியல் அமைப்பின் இறுதிக் கட்டம் முழுமையாகச் செயல்படுத்தப்படுவதற்கு முன்பு பிழைகளைத் திருத்த அனுமதிக்கிறது.

இந்த முயற்சி மூன்று வரி செலுத்துவோர் பிரிவுகளை உள்ளடக்கியதுடன், கூடுதலாக 97,000-க்கும் மேற்பட்ட வரி செலுத்துவோர் வருமான வரிக் கணக்குகளைத் தாக்கல் செய்வதை ஊக்குவிக்கும் முயற்சிகளின் ஒரு பகுதியாகவும் உள்ளது என்று வருமான வரித்துறை தெரிவித்துள்ளது.

இந்தத் திட்டம் வர்த்தகர்களுக்கு பயனுள்ளதாக இருக்கிறது என்று வியாபாரிகள் கூறி உள்ளனர்.

- பார்த்திபன் நாகராஜன்