8 நாடுகளில் உள்ள பேரங்காடிகளின் குளிர்சாதனப் பெட்டிகளைக் குறிவைக்கும் இணையத் தாக்குதல்

ஸ்டாக்ஹோம்:

ஐரோப்பாவில் குறைந்தது 8 நாடுகளில் உள்ள பேரங்காடிகளின் குளிர்சாதனப் பெட்டிகள் இணையத் தாக்குதலால் பாதிக்கப்பட்டிருக்கலாம் என்று சந்தேகிக்கப்படுகிறது.

சுவீடன் (Sweden), போர்ச்சுகல் (Portugal), பெல்ஜியம் (Belgium) உள்ளிட்ட நாடுகளில் நேற்று பாதிப்பு ஏற்பட்டது.

குளிர்சாதனப் பெட்டிகளின் வெப்பநிலை இரவோடு இரவாக அதிகரித்தது. கிட்டத்தட்ட 50 டிகிரி செல்சியஸ் வரை அதிகரித்தது.

அதனால் கெட்டுப்போன அல்லது கெட்டுப்போகக்கூடிய உணவுப் பொருள்களைப் பேரங்காடிகள் தூக்கி எறிய வேண்டியிருந்தது.

பிரான்சில் (France) அக்டோபர் 12ஆம் தேதி ஏற்பட்ட இணையத் தாக்குதலால் நூற்றுக்கணக்கான பேரங்காடிகள் உணவுப் பொருள்களை வீச வேண்டியிருந்தது.

இரு சம்பவங்களுக்கும் இதுவரை யாரும் பொறுப்பேற்கவில்லை.

உணவு விநியோகத்தைச் சீர்குலைத்து, மக்களின் நம்பிக்கையைக் குறைக்கும் நோக்கில் தாக்குதல்கள் நடத்தப்படுவதாக ஐரோப்பிய ஒன்றியம் தெரிவித்தது.