துபாய்க்கான SIA விமானச் சேவை ரத்து: பிப்ரவரி 2027 வரை நீட்டிப்பு

சிங்கப்பூர்:

சிங்கப்பூர் ஏர்லைன்ஸ் நிறுவனம் துபாய்க்கான அதன் சேவைகளை அடுத்த ஆண்டு பிப்ரவரி 28ஆம் தேதிவரை ரத்து செய்துள்ளது.

மத்திய கிழக்கில் நிலவும் பதற்றமான சூழல் அதற்குக் காரணம்.

முன்னதாக டிசம்பர் முதலாம் தேதிவரை அந்தச் சேவைகள் ரத்து செய்யப்பட்டிருந்தன.

சிங்கப்பூரிலிருந்து துபாய் செல்லும் SQ494 விமானமும் துபாயிலிருந்து சிங்கப்பூர் திரும்பும் SQ495 விமானமும் பாதிக்கப்பட்டுள்ளன.

நிலைமை மாறிக்கொண்டே இருப்பதால் மற்ற விமானச் சேவைகளும் பாதிக்கப்படக்கூடும் என்று நிறுவனம் கூறியது.

பாதிக்கப்பட்டோர் பயன்படுத்தாத பயணச்சீட்டுக்கான முழுத் தொகையைத் திரும்பப் பெறலாம்.

பயண முகவர்கள் மூலம் விமானச் சீட்டு வாங்கியோர் நேரடியாக முகவர்களைத் தொடர்புகொள்ளுமாறு சிங்கப்பூர் ஏர்லைன்ஸ் கேட்டுக்கொண்டது.

அமெரிக்கா அடுத்த செவ்வாய்க்கிழமை நடைபெறவிருக்கும் இடைத்தவணைத் தேர்தலுக்குப் பிறகு ஈரானைத் தாக்கலாம் என்று கூறப்படுகிறது.

- ரோஷித் அலி