மலாக்கா தேர்தல்: தஞ்சோங் பிடாரா தொகுதியில் ABDUL RAUF YUSOF வேட்புமனுதாக்கல்

தஞ்சோங் பிடாரா: 

பாரிசான் நேஷனல் வேட்பாளரும், தஞ்சோங் பிடாரா சட்டமன்றத் தொகுதியின் நடப்பு உறுப்பினருமான டத்தோஸ்ரீ ABDUL RAUF YUSOF
இன்று காலை வேட்புமனு தாக்கல் மையத்திற்கு வந்தடைந்தார்.

நீல நிற பாஜு மலாயு அணிந்திருந்த மலாக்கா முதலமைச்சரான ABDUL RAUF YUSOF, காலை 8.58 மணியளவில் BN தலைவரும் துணைப் பிரதமருமான டத்தோஸ்ரீ டாக்டர் அஹ்மத் ஜாஹிட் ஹமிடியுடன் அங்கு வருகை தந்தார்.

அதனைத் தொடர்ந்து, காலை 9 மணியளவில் டத்தோ  ஹாஜி அப்துல் கரீம் மண்டபத்தில் வேட்புமனு தாக்கல் மையத்திற்குள் நுழைந்த அவர், மலாக்கா மாநிலத் தேர்தலில் தஞ்சோங் பிடாரா தொகுதியைத் தக்கவைத்துக் கொள்ளும் நோக்கில் தனது வேட்புமனு படிவத்தைச் சமர்ப்பித்தார்.

இதற்கிடையில், ABDUL RAUF YUSOFவிற்கு  ஆதரவு தெரிவிக்கும் வகையில், நீல நிற ஆடைகளை அணிந்திருந்த பிஎன் ஆதரவாளர்கள் ஆயிரக்கணக்கானோர் காலை 7 மணியிலிருந்தே வேட்புமனு தாக்கல் மையத்தின் அருகே திரண்டனர்.

பின்னர், கட்சிக் கொடிகளை ஏந்தியவாறு சுமார் 100 மீட்டர் தூரம் ஊர்வலமாகச் சென்ற அவர்கள், GELOMBANG BIRU என முழக்கமிட்டு தங்களது ஆதரவை வெளிப்படுத்தினர்.

- மவித்திரன்