குளுவாங்கில் LED திரையில் ஆபாச படம் ஒளிபரப்பு: போலிஸ் இரு விசாரணை அறிக்கைகள் திறப்பு

குளுவாங்: 

குளுவாங் நகராண்மை கழகத்திற்குச் சொந்தமான LED பெரிய திரைகள் முடக்கப்பட்டு ஆபாச படம் ஒளிபரப்பப்பட்ட சம்பவம் தொடர்பாக போலிஸ் இரு விசாரணை அறிக்கைகளைத் திறந்துள்ளது

குளுவாங் மாவட்ட போலிஸ் தலைவர் பஹ்ரின் முஹம்மத் நோ கூறினார். 

இந்த சம்பவம் குறித்து 42 வயதுடைய ஆடவரிடமிருந்து போலிஸ் புகார் கிடைக்கப்பெற்றதாக அவர் தெரிவித்தார்.

குளுவாங் நகரத்தின் முக்கிய இடங்களில் இந்த LED திரைகள் முடக்கப்பட்டது. பிறகு ஆபாச படம் ஒளிபரப்பு செய்யப்பட்டது. 

1997 கணினி குற்றவியல் சட்டத்தின் செக்‌ஷன் 4(1)இன் கீழ் இந்த சம்பவம் விசாரிக்கப்படுவதாக அவர் ஓர் அறிக்கையின் வாயிலாக குறிப்பிட்டார்.

இந்நிலையில், இந்த சம்பவம் குறித்து பொதுமக்கள் எந்தவொரு ஆருடங்களையும் வெளியிட வேண்டாம் என்று போலிஸ் தரப்பு கேட்டுக்கொண்டது

-மவித்திரன்