சரவாக் சட்டமன்ற தேர்தலில் GPS கூட்டணி அனைத்து 82 இடங்களிலும் போட்டி 

பெட்டாலிங் ஜெயா: 

16ஆவது சரவாக் மாநில சட்டமன்ற தேர்தலில் சரவாக் GPS கூட்டணி அனைத்து 82 சட்டமன்ற இடங்களிலும் போட்டியிடவுள்ளது 

இந்த தகவலை சரவாக் GPS கட்சியின் தலைவர் அபாங் ஜொஹாரி ஒப்பெங் கூறினார். 

GPS கட்சியின் கூட்டம் இன்று நடைபெற்ற வேளையில் அனைத்து கூட்டணி கட்சி தலைவர்களும் கலந்து கொண்ட நிலையில் இந்த முடிவு எடுக்கப்பட்டதாக அபாங் ஜொஹாரி விளக்கமளித்தார் 

வேட்பாளர்கள் வெல்லும் சாத்தியக்கூறுகள் தொடர்பாக எந்தெந்த தொகுதிகள் எந்தெந்த கட்சிகளுக்கு வழங்கப்படும் என்பதையும் விரைவில் அறிவிப்போம் என்று அவர் செய்தியாளர்களிடம் தெரிவித்தார். 

கடந்த திங்கட்கிழமை சரவாக் மாநில சட்டமன்றம் கலைக்கப்பட்டது. 

சரவாக் மாநில சட்டமன்ற தேர்தல் தொடர்பாக நவம்பர் 6ஆம் தேதி மலேசியத் தேர்தல் ஆணையம் சிறப்பு கூட்டத்தை நடத்தும் என்று தெரிவித்தது 

கடந்த 2021 சரவாக் மாநில தேர்தலில் GPS கூட்டணி 76 இடங்களை வென்ற நிலையில் PSB கட்சி 4 இடங்களையும் DAP கட்சி இரு இடங்களையும் வென்றது குறிப்பிடத்தக்கது.

-மவித்திரன்