தங்கள் குடிமக்கள் தடுத்து வைக்கப்பட்டதாகக் கூறப்படும் குற்றச்சாட்டுகளுக்கு விளக்கம் அளிக்குமாறு மியன்மாரிடம் அரசாங்கம் கோரிக்கை விடுத்துள்ளது: ஹசான்

கோலாலம்பூர்:

சமீபத்தில் நாடு கடத்தப்பட்ட நூற்றுக்கணக்கான குடிமக்கள் மியன்மார் இராணுவத்தால் தடுத்து வைக்கப்பட்டுள்ளதாக வரும் செய்திகள் குறித்து மியன்மாரிடம் மலேசியா விளக்கம் கோரும்.

வெளியுறவு அமைச்சர் டத்தோஸ்ரீ முஹம்மது ஹசான் இதனை கூறினார்.

இன்னும் 300 பேர் தடுத்து வைக்கப்பட்டுள்ளதாக செய்திகள் வந்தால், நாங்கள் மியன்மார் அரசாங்கத்திடம் விளக்கம் கோருவோம், என்று அவர் இன்று மக்களவையில் தனது அமைச்சகத்திற்கான 2027 வரவுசெலவுத் திட்ட விவாதத்தை முடித்து வைக்கும்போது கூறினார்.

இந்தக் கூறப்படும் தடுப்புக்காவல்கள் குறித்த செய்திகளுக்கு அரசாங்கத்தின் பதிலை அறிய விரும்பிய சிக் நாடாளுமன்ற உறுப்பினர் அஹ்மத் தர்மிசி சுலைமான் எழுப்பிய கேள்விக்கு அவர் இவ்வாறு பதிலளித்தார்.

மலேசியாவிலிருந்து நாடு கடத்தப்பட்ட 400க்கும் மேற்பட்ட ரக்கைன் இன மக்கள், யாங்கோனில் இன்னும் இராணுவக் காவலில் இருப்பதாக, மியன்மாரின் 'டெமாக்ரடிக் வாய்ஸ் ஆஃப் பர்மா' என்ற செய்தி இணையதளம் அக்டோபர் 22 அன்று செய்தி வெளியிட்டது.

- பார்த்திபன் நாகராஜன்