மாணவன் ஆசிரியையைத் தாக்கினான்: காரணம் குறித்து போலிஸ் விசாரணை தொடர்கிறது

கூச்சிங்:

இங்குள்ள ஒரு தனியார் பள்ளியில் மாணவன் ஒருவன் பெண் ஆசிரியையைத் தாக்கிய சம்பவத்திற்கான காரணத்தை போலிசார் அடுத்த செவ்வாய்க்கிழமை மட்டுமே வெளியிடும்.

விசாரணை முடிந்த பிறகு, இச்சம்பவம் தொடர்பாக அக்டோபர் 27 அன்று ஒரு செய்தியாளர் சந்திப்பு நடத்தப்படும் என்று சரவா காவல்துறைப் படைத் தலைமையகத்தின் மக்கள் தொடர்புப் பிரிவு தெரிவித்துள்ளது.

இந்த வழக்கு தற்போது விசாரணையில் உள்ளது. பெறப்பட்ட ஒவ்வொரு தகவலும் துல்லியமானது என்பதை உறுதி செய்வதற்காக, உண்மையான தகவல்களைப் பெறுதல்,  சரிபார்த்தல் உள்ளிட்ட பல்வேறு நடவடிக்கைகளை மேற்கொள்வதில் விசாரணைக் குழு கடுமையாக உழைத்து வருகிறது.

விசாரணைக் குழு ஒரு முழுமையான விசாரணையை நடத்துவதற்கு அனைத்துத் தரப்பினரும் அவகாசம் அளிக்குமாறு நாங்கள் கேட்டுக்கொள்கிறோம் என்று அவர் இன்று ஒரு அறிக்கையில் தெரிவித்தார்.

நேற்று, காலை 8.03 மணிக்குத் தகவல் அளிக்கப்பட்ட இச்சம்பவத்தில், சம்பந்தப்பட்ட பள்ளியில் 16 வயது ஆண் மாணவன் ஒருவன் பெண் ஆசிரியையைக் காயப்படுத்தியதாகத் தெரிவிக்கப்பட்டது.

MERS 999 எண் வழியாக குச்சிங் மாவட்ட போலிஸ் தலைமையகத்தின் கட்டுப்பாட்டு மையத்திற்குத் தகவல் கிடைத்த பிறகு இந்தச் சம்பவம் குறித்துத் தெரிவிக்கப்பட்டது.

- பார்த்திபன் நாகராஜன்