பெருநிறுவன மாஃபியா கும்பலின் குற்றங்கள் வெளிப்படைத்தன்மையற்ற அமைப்பிலிருந்து உருவாகிறது: பிரதமர்

கோலாலம்பூர்:

இந்த நாட்டில் நடக்கும் பெருநிறுவன மாஃபியா குற்றங்கள், பல தசாப்தங்களுக்கு முன்பிருந்தே இருந்துவரும் வெளிப்படைத்தன்மையற்ற அமைப்பிலிருந்து உருவாகின்றன.

பிரதமர் டத்தோஸ்ரீ அன்வார் இப்ராஹிம் இதனை ஒப்புக்கொண்டார்.

1980-ம்களில் இருந்து இந்த நிலைமை தொடர்ச்சியான 'பெருநிறுவன மாஃபியா' குற்றங்களுக்கு வழிவகுத்துள்ளது.

இதில் விற்கப்பட வேண்டிய கட்டாயத்திற்கு உள்ளான மாபெரும் நிறுவனமான மல்டி-பர்பஸ் ஹோல்டிங்ஸ் பெர்ஹாட் (MPHB) சம்பந்தப்பட்ட குற்றங்களும் அடங்கும் என்றும் பிரதமர் கூறினார்.

அமைப்பின் பலவீனங்கள், புர்சா மலேசியாவில் பட்டியலிடப்பட்ட நிறுவனங்களை வாங்குதல், கையகப்படுத்துதல், பங்குச் சந்தை முறைகேடுகள், பெருநிறுவன வெளிப்படுத்தல் தேவைகளை மீறுதல், அச்சுறுத்தல்களை உள்ளடக்கிய சட்டவிரோத பணக் கடன் நடவடிக்கைகள் போன்ற வழக்குகளுக்கு வழிவகுத்தன என்று அவர் கூறினார்.

இதில் சம்பந்தப்பட்ட 'பெருநிறுவன மாஃபியா' குற்றங்களின் தொடர் நிகழ்வுகள், பெரும்பாலும் அப்போதைய நிதி அமைச்சருடன் தொடர்புடையவை என்றும், அவருக்குப் பெரும் செல்வாக்கும் நிதியும் இருந்ததாகக் கூறப்பட்டது என்றும் அவர் மற்றவற்றுடன் சேர்த்து வெளிப்படுத்தினார்.

இன்று மக்களவையில் நடைபெற்ற பிரதமரின் கேள்வி நேரத்தின்போது, ​​சட்ட மீறல்கள் மற்றும் எடுக்கப்பட்ட நடவடிக்கைகள் தொடர்பான, 'பெருநிறுவன மாஃபியா' எனக் கூறப்படும் நடவடிக்கைகளின் சமீபத்திய முன்னேற்றங்கள் குறித்து போர்ட்டிக்சன் நாடாளுமன்ற உறுப்பினர் டத்தோ அமினுடின் ஹரூன் கேள்விக்கு அவர் பதிலளித்தார்.

- பார்த்திபன் நாகராஜன்